“Është një nga nderimet më të mëdha të jetës sime”, tha presidenti amerikan.
Gianni Infantino, si pjesë e shortit të Kupës së Botës 2026 në Uashington, i dha Çmimin e parë të Paqes të FIFA-s Presidentit të SHBA-ve Donald Trump.
Trump mori çmimin rreth 30 minuta pas fillimit të një performance të shkëlqyer në Qendrën Kennedy, përpara shortit për ekipet në grupet e Kupës së Botës për turneun e verës së ardhshme në Shtetet e Bashkuara, Kanada dhe Meksikë.
Çmimi u prezantua “për të shpërblyer individët që kanë ndërmarrë veprime të jashtëzakonshme për paqen dhe duke vepruar kështu kanë bashkuar njerëz në mbarë botën”, tha FIFA në një deklaratë.
Organizata qeverisëse botërore e futbollit tha gjithashtu se çmimi “do të ndahet në emër të të gjithë njerëzve që e duan futbollin nga e gjithë bota”.
“Në një botë gjithnjë e më të ndarë, ne duhet t’i njohim ata që punojnë për ta bashkuar atë”, thuhej në videon që njoftonte Trump si fituesin e Çmimit të Paqes të FIFA-s.
“Si të gjithë këtu, shohim pamje të luftës në të gjithë botën dhe vajtojmë fëmijët që po vdesin. Vajtojmë me të gjitha nënat që kanë humbur një të dashur. Dhe duam të shohim shpresë, unitet, një të ardhme. Presidenti ndihmoi në negocimin e marrëveshjes së paqes në Gaza dhe dje marrëveshjen midis Ruandës dhe Republikës së Kongos. Kjo është ajo që duam nga një udhëheqës që kujdeset për popullin e tij. Duam të jetojmë në një botë paqësore dhe të bashkuar. Presidenti e meriton çmimin për arritjet e tij. Në mënyrën e tij, por ai e ka arritur atë”, tha Gianni Infantino.
“Është një nga nderet më të mëdha të jetës sime. Kemi shpëtuar mijëra e mijëra jetë. Kemi përfunduar kaq shumë luftëra në kaq shumë vende. Kemi ndaluar luftërat para se ato të fillonin. Është një nder i madh të jem me ty, Gianni. Ke bërë një punë të shkëlqyer. Ke vendosur rekorde të reja, një prej të cilave është se çmimet e biletave nuk janë rritur, për të cilat futbolli do të të jetë mirënjohës.
Futbolli është një gjë e mrekullueshme. Dua të falenderoj familjen time, gruan time. Mendoj se do të shohim diçka plot emocione. Kupa e Botës do të jetë e pabesueshme. Kemi punuar krah për krah, të tre vendet, për ta koordinuar atë. Dhe dua të them se marrëdhënia jonë është e shkëlqyer. Dua të falenderoj ata që e kanë bërë botën një vend më të sigurtë. Një vit më parë, ne nuk ishim vendi që jemi sot për shkak të lidershipit tim”, tha Donald Trump.
