Klaus Schwab: “Po hyjmë në një epokë të re ku 50% e vendeve të punës do të preken”!
Ai theksoi se revolucioni teknologjik që është duke u zhvilluar do të ketë një ndikim të madh në tregun e punës.
Duke folur në Samitin e Qeverisjes Globale, Klaus Schwab dërgoi një mesazh të qartë për ndryshimet rrënjësore në çdo aspekt të jetës njerëzore.
Siç deklaroi, “po jetojmë kalimin në një epokë të re, e cila do të ndryshojë gjithçka. Do të ndryshojë mënyrën si komunikojmë, mënyrën si punojmë dhe mënyrën si jetojmë”.
Themeluesi i Forumit Ekonomik Botëror theksoi se revolucioni teknologjik që po zhvillohet do të ketë një ndikim të madh në tregun e punës, duke paralajmëruar se “50% e vendeve të punës do të preken drejtpërdrejt ose tërthorazi, brenda pesë deri dhjetë viteve të ardhshme”.
Sipas tij, zhvillimi i shpejtë i inteligjencës artificiale, automatizimit dhe teknologjive dixhitale po çon në një transformim të thellë të shoqërisë, me ndryshime që nuk kufizohen vetëm në ekonomi, por prekin jetën e përditshme, strukturat shoqërore dhe qeverisjen.
