SHBA-të kryejnë sulme ushtarake kundër ISIS-it dhe u bëjnë thirrje forcave kurde dhe qeveritare të kthehen në dialog mbi integrimin e Forcave Demokratike Siriane.
Mbrëmjen e së shtunës, ushtria amerikane kreu sulme kundër ISIS-it në Siri, sipas mediave ndërkombëtare. Veprimet vijnë në një kohë tensioni të shtuar në Sirinë veriore, ku përplasjet e fundit midis forcave kurde dhe trupave qeveritare në Alepo kanë ngritur shqetësime në lidhje me sigurinë dhe stabilitetin e rajonit.
I dërguari special i SHBA-ve për Sirinë Tom Barrack, i përshkroi incidentet si “thellësisht shqetësuese” dhe theksoi se ato rrezikojnë marrëveshjen e integrimit të marsit 2025 midis Forcave Demokratike Siriane dhe qeverisë së Damaskut. Barak u bëri thirrje të gjitha palëve të përfshira të tregojnë përmbajtje, të ndërpresin menjëherë armiqësitë dhe të kthehen në dialog.
Në takimin e tij me Presidentin sirian Ahmed al-Sharaa dhe Ministrin e Jashtëm Asaad al-Shaibani, Barak theksoi se ekipi i Sekretarit të Shtetit të SHBA-ve Marco Rubio është i gatshëm të lehtësojë bashkëpunimin midis dy palëve, në mënyrë që të përparojë procesi i integrimit, duke siguruar stabilitetin dhe duke përmbajtur ISIS-in.
