“Përmendja e një emri në dosje nuk nënkupton faj ose pjesëmarrje në aktivitet kriminal!”
Prokurorja e Përgjithshme e SHBA-ve Pam Bondi njoftoi se të gjitha dokumentet që lidhen me çështjen Jeffrey Epstein janë publikuar.
Sipas letrës zyrtare të dërguar Kongresit më 14 shkurt, Departamenti i Drejtësisë publikoi miliona e-mail-e, foto dhe dokumente, si dhe një listë përfundimtare prej 305 personash të profilit të lartë të përmendur në dosje.
BREAKING: AG Pam Bondi announces DOJ has released all Epstein files under the Epstein Files Transparency Act, including justified redactions and a list of high-profile names appearing in the documents. pic.twitter.com/Drkc2ojUWx
— Leading Report (@LeadingReport) February 15, 2026
Bondi sqaroi se përmendja e një emri në dosje nuk nënkupton faj ose pjesëmarrje në aktivitet kriminal, duke vënë në dukje se emrat shfaqen në një “larmi të gjerë kontekstesh”.
Ajo theksoi gjithashtu se asnjë dokument nuk është mbajtur ose ndryshuar për arsye të ndjeshmërisë politike ose mbrojtjes së reputacionit.
Lista përfshin njerëz që tashmë janë lidhur publikisht me Epstein, siç janë Ghislaine Maxwell dhe Princ Andrew. Megjithatë, kjo është hera e parë që një listë kaq e gjerë dhe përfundimtare është paraqitur zyrtarisht nga qeveria amerikane.
Midis të famshmëve të përmendur në dokumente janë emra të mëdhenj në botën e muzikës dhe argëtimit, siç janë Beyonce, Cher, Kim Kardashian, Bruce Springsteen dhe Jay-Z.
E njëjta listë përfshin gjithashtu aktorin Robert De Niro, këngëtaren legjendare Diana Ross, filantropen Melinda Gates, komentatorin Tucker Carlson dhe Meghan Markle.
Me interes të veçantë është prania e figurave të larta politike. Presidenti Donald Trump dhe Zëvendëspresidenti J.D. Vance përmenden në dokumente, si dhe Michelle Obama, Sekretari i Shtetit i SHBA-ve Marco Rubio dhe familja Clinton.
Letra e Bondi specifikon se dokumentet ishin kategorizuar në nëntë seksione: Material që kishte të bënte me vetë Epstein, Maxwell, të dhënat e fluturimit dhe udhëtimit, individët e përmendur në lidhje me aktivitetet e tij kriminale, informacion në lidhje me entitetet e korporatave, jofitimprurëse, akademike dhe qeveritare të lidhura me të, marrëveshjet e imunitetit, komunikimet e brendshme të Departamentit të Drejtësisë, komunikimet në lidhje me shkatërrimin e mundshëm të provave dhe dokumentacionin në lidhje me ndalimin dhe vdekjen e tij në vitin 2019.
Prokurorja e Përgjithshme vuri në dukje se e vetmja kategori e dokumenteve të mbajtura ka të bëjë me materialin e mbrojtur nga ligji, siç është privilegji dosjeve që janë në procesit shqyrtimi, privilegji i produktit të punës dhe privilegji avokat-klient, siç është zbuluar tashmë nga letrat e mëparshme drejtuar Kongresit në dhjetor 2025 dhe janar 2026.
