Një i ri po përballet me akuza penale për vendosjen e dyshuar të një pajisjeje shpërthyese të improvizuar në një bazë ushtarake në Florida, ku ndodhet selia e forcave të armatosura amerikane përgjegjëse për rajonin e Lindjes së Mesme (CENTCOM, “komanda qendrore”), njoftuan dje autoritetet amerikane.
I dyshuari “është në Kinë”, ndërsa motra e tij, e cila dyshohet se e ka ndihmuar të arratiset, u arrestua, tha përmes X, Cass Patel, drejtori i Policisë Federale (FBI).
I riu, Allen Zheng, akuzohet për tentativë dëmtimi të një qendre vizitorësh në Bazën Ajrore MacDill, pranë Tampa, Florida, më 10 mars, sipas një aktakuze të ngritur të mërkurën dhe të bërë publike të enjten.
🚨 UPDATE: MacDill AFB Bomb Plot 🚨
— Mossad Commentary (@MOSSADil) March 26, 2026
New details reveal the explosive device was planted on March 10 and went undetected for 6 days before being discovered, thankfully never detonated, but authorities say it was fully capable of causing serious harm.
• Suspect Alen Zheng… https://t.co/JnqjNRfMiJ pic.twitter.com/CZ61n015Bf
Departamenti i Drejtësisë tha se Allen Zheng përballet me akuza për tentativë shkatërrimi të pronës shtetërore, ndërtim të paligjshëm dhe posedim të një pajisjeje shpërthyese.
Mbrëmjen e 10 marsit, ai u përpoq, më kot, të shpërthente një pajisje shpërthyese në një qendër vizitorësh në bazë, shpjegoi ai.
Pajisja u gjet dhe u neutralizua nga forcat e rendit, shtoi departamenti.
Autoritetet amerikane kishin njoftuar më 16 mars se një “paketë e dyshimtë” ishte gjetur pranë hyrjes së bazës, gjë që çoi në ndalimin e trafikut nga policia në zonë.
Motra e të dyshuarit, Anne Mary Zheng, 27 vjeç, akuzohet se e ka ndihmuar atë të arratiset nga autoritetet dhe të zhdukë një automjet me të cilin shkoi për të vendosur pajisjen shpërthyese të improvizuar në bazë. Ajo u arrestua pardje dhe një seancë dëgjimore për të përcaktuar nëse ajo do të mbetet në paraburgim është caktuar për të martën, më 31 mars.
Allen Zheng përballet me një dënim me 40 vite burg nëse dënohet dhe motra e tij, Anne Mary Zheng, me një dënim me 30 vite.
MacDill është selia e CENTCOM-it, e cila po drejton luftën kundër Iranit, të cilën SHBA-të dhe Izraeli e nisën më 28 shkurt.
