ISIS ka bërë thirrje për sulme zjarrvënëse ndaj sinagogave dhe kishave në mbarë botën përpara Pashkëve, duke përmendur mbylljen e Xhamisë Al-Aksa dhe situatën e sigurisë në Jerusalem si pretekst.
Grupi terrorist islamist e lëshoi thirrjen në përgjigje të mbylljes së Xhamisë Al-Aksa në Jerusalem nga Izraeli. Shteti Islamik (ISIS) u ka bërë thirrje myslimanëve të kryejnë sulme zjarrvënëse ndaj sinagogave dhe kishave në Shtetet e Bashkuara, Europë dhe gjetiu gjatë fundjavës së Pashkëve në median e tij javore të propagandës Al-Naba.
Arsyetimi për thirrjen!
Grupi terrorist islamist e paraqiti thirrjen në përgjigje të mbylljes së Xhamisë Al-Aksa në Jerusalem nga Izraeli, raportoi New York Post të enjten.
Masat e sigurisë në Malin e Tempullit!
Në fund të shkurtit, autoritetet izraelite mbyllën kompleksin e Xhamisë Al-Aksa në Malin e Tempullit për besimtarët myslimanë, duke përmendur rreziqet e sigurisë. Më 20 mars, mbeturinat nga kapja e një rakete iraniane ranë pranë Malit të Tempullit dhe Xhamisë Al-Aksa.
Kufizime të Qasjes në Murin Perëndimor!
Ndërkohë, për shkak të situatës së sigurisë dhe udhëzimeve nga Komanda e Brendshme e Izraelit, publikut nuk iu lejua të vizitonte vendin e shenjtë hebre, Murin Perëndimor në Jerusalem, gjatë festës së Pashkës.
Deklaratat dhe Kërcënimet e ISIS!
“Përballë tragjedisë së mbylljes së Xhamisë së bekuar Al-Aksa, është detyrë e myslimanëve kudo – atyre që dëshirojnë të ndihmojnë vendin e Udhëtimit të Natës së Profetit – të ngrihen dhe t’u vënë flakën sinagogave hebraike të shpërndara në të gjithë Amerikën, Europën, Rusinë, Indinë dhe gjetiu”, tha ISIS.
“E njëjta gjë vlen edhe për sinagogat në Tunizi, Marok, Emiratet e Bashkuara Arabe dhe Siri. Vendndodhjet e tyre dihen dhe detajet e tyre janë publikuar”, shkruan ISIS.
Objektiv, tubimet hebraike!
Gazeta ISIS bëri gjithashtu thirrje për sulme ndaj “tubimeve hebraike” në të gjithë botën, duke urdhëruar mbështetësit e saj “të imitojnë veprimet e ‘Heronjve të Sidneit'”, duke iu referuar të shtënave të 14 dhjetorit në një festë Hanukkah në plazhin Bondi të Sidneit, që la 15 hebrenj të vdekur dhe më shumë 30 të plagosur.
ISIS gjithashtu pretendoi se ka shkaktuar 60 viktima në “15 operacione” javën e kaluar.
