Momenti i shpërthimit u regjistrua në video, ku shihen flakë të mëdha që ngrihen mbi rruga-urën!
Një shpërthim i fuqishëm ndodhi në një çisternë që transportonte karburant pranë një ure në Kanalin e Panamasë, duke shkaktuar mobilizim të madh të autoriteteve.
Nga shpërthimi, i cili ndodhi në orët e para të së hënës, të paktën dy persona pësuan djegie të shkallës së dytë dhe po marrin trajtim mjekësor, ndërsa një operacion është duke u zhvilluar për të gjetur një person që mund të jetë i bllokuar.
Pas incidentit, një zjarr shpërtheu në një objekt depozitimi nafte në Balboa, i cili u zgjerua dhe shkaktoi dëme serioze në “Urën e Amerikave” në Panama City.
Momenti i shpërthimit u kap në video, ku shihen flakë të mëdha që ngrihen mbi rrugë, ndërsa shoferët që ishin pranë vendit të ngjarjes u larguan menjëherë nga zona.
Sipas mediave lokale, zjarri rezultoi në mbylljen e përkohshme të trafikut në urë në mënyrë që autoritetet të vlerësonin situatën dhe të siguroheshin që nuk kishte rrezik të mëtejshëm për sigurinë.
Incidenti ka ngritur gjithashtu shqetësime ndërkombëtare, pasi ndodhi në një pikë kyçe për transportin detar dhe tregtinë globale.
Analistët theksojnë se çdo ndërprerje në zonën e Kanalit të Panamasë mund të ndikojë ndjeshëm në flukset tregtare dhe tregjet e energjisë.
A mund të jetë ky shpërthim i qëllimshëm? Pa më të voglin dyshim, ndaj dhe amerikanët kanë filluar investigimet. Mesa duket është “një dorë” që kërkon mbylljen e tregjeve të energjisë, lockdown të popullsisë dhe nuk përjashtohet mundësia që të jetë “City of London”, për ta bërë luftën në Lindjen e Mesme edhe më të vështirë për Amerikën dhe Izraelin.
