Londër ‑ New York, 3,5 Orë – Revolucion në Aviacionin Civil, Aeroplani Supersonik i Shpejtësisë 2,2 Μach!

Një “Boom Supersonic” është shpikur! Është krijuar një prototip avjoni civil, që do të prezantohet në muajin tetor, me qëllim që të kalojë në prodhim të disa aeroplanëve supermodernë me shpejtësinë e avjonëve supersonikë.

“XB-1 është hapi i parë për të sjellë udhëtimin supersonik në botë – tha në njoftimin e tij publik Blake Scholl, themelues dhe CEO i “Boom Supersonic” – fluturimet do të jenë dy herë më të shpejta, që do të thotë se do të mund të udhëtojmë në një distancë dyfish më të largët, duke sjellë më pranë më shumë njerëz, më shumë rajone dhe më shumë kultura”.

Kompania thekson se do të jetë avjoni më i shpejtë civil i të gjitha kohëve, i cili u krijua me kapitale private.

Aeroplani supersonik do të përshkojë distancën Londër – New York në 3.5 orë.

“Ju sigurojmë se aviacioni civil supersonik i së ardhmes është i sigurtë dhe i qëndrueshëm ambjentalisht dhe ekonomikisht” – shtoi në njoftimin e tij CEO i kompanisë prodhuese.

Përpara Pandemisë, kompania “Boom Supersonic” kishte grumbulluar rreth 6 miliardë dollarë nga porosi të dhëna paraprakisht për avjonë. Çmimi i një avjoni fillon me 200 milionë dollarë. Mes blerësve shquhen “Virgin Group” dhe “Japan Airlines”, që ka investuar gjithashtu 10 milionë dollarë që në vitin 2017.

Kur parashikohen fluturimet e para të avjonit supersonik?

Nëse gjithçka shkon sipas parashikimeve, për avjonët me kapacitet 55 dhe 75 pasagjerë, fluturimet e para do të bëhen në vitin 2030.

Avjonët përllogariten të fluturojnë më shumë se shpejtësia e zërit, kur të gjenden mbi Oqeanin Atlantik, për të mos patur ndotje akustike mbi zonat e banuara.

Kompania, sigurisht është amerikane, por përveç kësaj ekziston, sërish në Amerikë, edhe një kompani tjetër që angazhohet në të njëjtën fushë inovacioni në aviacionin civil.

Lini një Përgjigje

Your email address will not be published.

Previous Story

Tre Anije Turke, Peshkojnë në Ujërat e Ishullit Mikono - Askush nuk Reagon!

Next Story

Kancelarja Merkel po Përpiqet të Ndajë Egjeun - Takimin Trepalësh në Berlin (Gjermani - Turqi - Greqi)!

Latest from Opinione