Humbja diplomatike e SHBAsë në OKB: Rusia, Kina dhe India bllokuan rezolutën kundër përfshirjes së territoreve të reja ruse. Refuzohet rezoluta amerikane që dënon aneksimin e Luganskut, Donetsk, Kherson dhe Zaporizhia.
Rezoluta amerikane e dorëzuar nga SHBA dhe e bashkënënshkruar nga Shqipëria (!) në Këshillin e Sigurimit të OKBsë, në të cilën kërkonin dënimin e “aneksimit”, siç thonë ata, të territoreve ukrainase nga Rusia, u hodh poshtë.
Rusia jo vetëm që vuri veton, por popullsia kryesore dhe fuqitë ekonomike që mbajnë gjysmën e popullsisë së botës, Kina dhe India, mbështetën Rusinë!
Ata abstenuan nga votimi (së bashku me shtetin e vogël afrikan të Gabonit, i cili aktualisht është në Këshillin e Sigurimit të OKB), ndërsa pro votuan përveç SHBAsë, Franca, Britania dhe tre vende të tjera të vogla.
Humbja diplomatike e SHBAsë pritej, por ajo që ka më shumë rëndësi për Rusinë është se Kina dhe India, dy armiq historikë të njëri-tjetrit, e mbështetën atë dhe “vulosën” aleancën e Paktit të Shangait dhe BRICS.
Teksti, i hartuar para nënshkrimit të inkorporimit të katër rajoneve të Ukrainës në Rusi, dënoi “referendumet e paligjshme” të cilat “nuk mund të përdoren si bazë për ndryshimin e statusit të këtyre rajoneve” dhe as për “aneksimin e rremë” të tyre në Rusi.
Teksti gjithashtu i bënte thirrje Moskës që “të ndërpresë menjëherë operacionet ushtarake në Ukrainë dhe të tërheqë plotësisht dhe pa kushte të gjitha forcat e saj ushtarake” nga ai vend.
Sekretari amerikan i Shtetit, Anthony Blinken, qartësisht i shqetësuar nga zhvillimi, tha: “Nëse Rusia po e pengon Këshillin e Sigurimit të marrë përgjegjësitë e tij, ne do t’i kërkojmë Asamblesë së Përgjithshme, ku secili vend ka një votë, të thotë qartë se është e papranueshme që kufijtë po përcaktohen me forcë”.
