Ndërsa krahu i djathtë i Dr.Anthony Fauci, David Morens, u akuzua këtë javë për komplot dhe shkatërrim të të dhënave federale në mbulimin e COVID-19, një tjetër skandal mbi vaksinën po zhvillohej në Capitol Hill, thotë NYPost.
Sipas një raporti të ri të Senatit dhe dëshmisë së Kongresit të mërkurën, zyrtarët e shëndetësisë të administratës Biden qëllimisht injoruan shenjat paralajmëruese të reaksioneve të mundshme serioze ndaj vaksinës COVID-19, duke përfshirë sulmet në zemër, goditjet në tru, paralizën e Bell dhe vdekjen e papritur kardiake.
Brenda tre muajve nga lançimi i vaksinave, në mars 2021, flamujt e kuq po valëviteshin nga të dhënat javore nga mjekët dhe pacientët që raportonin probleme shëndetësore pas vaksinimeve, sipas e-mail-eve të brendshme dhe shënimeve të takimeve të ofruara nga Departamenti i Shëndetësisë dhe Shërbimeve Njerëzore për Nënkomitetin e Përhershëm të Sigurisë Kombëtare për Hetimet e Senatorit Ron Johnson.
Por kur zyrtarja e lartë mjekësore e FDA-së, Dr.Ana Szarfman, puna e së cilës ishte të monitoronte të dhënat e vaksinës për shenja paralajmëruese, ngriti alarmin vazhdimisht gjatë gjithë vitit 2021, ajo u injorua dhe e-mail-et tregojnë se kolegët e saj u përpoqën ta ndalonin atë nga përdorimi i një metodologjie statistikore më të re dhe më të saktë për të hetuar të dhënat.
Më në fund, në shtator 2021, të njëjtin muaj që Presidenti Joe Biden njoftoi mandatet e vaksinimit për të gjithë punonjësit federalë dhe kompanitë e mëdha, asaj iu tha “të ndërpriste dhe të hiqte dorë” nga analiza e saj.
Më 9 shtator 2021, Biden njoftoi mandatet e tij të vaksinimit, me një kërcënim të nënkuptuar për afërsisht 80 milionë amerikanë që nuk e kishin marrë vaksinën COVID dhe të cilët ai i akuzoi për zgjatjen e pandemisë dhe vënien në rrezik të të gjithëve, edhe pse vaksina nuk e ndaloi transmetimin e sëmundjes.
“Kemi qenë të duruar, por durimi ynë po shteron”, tha Biden. “Dhe refuzimi juaj na ka kushtuar të gjithëve.”
Më 16 shtator, Dr.Peter Marks, një mbështetës i flaktë i vaksinave kundër COVID-19, i cili në atë kohë drejtonte Qendrën e FDA-së për Vlerësimin dhe Kërkimin e Produkteve Biologjike, i tha një zyrtari tjetër të lartë të FDA-së në një e-mail se, Szarfman (e cila që atëherë është nxjerrë në pension) “i është kërkuar të ndërpresë dhe të heqë dorë, sepse strategjia që ajo po përdor mund të krijojë konflikte të gabuara që ushqejnë retorikën anti-vaksinim”.
Shmangia e gjurmëve të e-mail-eve!
Marks u ankua gjithashtu se puna e Szarfman është “bërë shkak për shpërqëndrim të madh”.
Dokumentet e zbuluara nga stafi i hetimit të Johnson tregojnë të njëjtin sekret alarmues dhe të njëjtën përpjekje për të shmangur llogaridhënien që e futën këshilltarin e Fauci-t, Morens, në telashe.
Sekreti përfshinte udhëzime nga zyrtarët e FDA-së për të diskutuar gjetjet personalisht, në vend që të bënin e-mail dhe duke u ndaluar ose kufizuar atyre shpërndarjen e raporteve javore të sigurisë së vaksinave, me qëllimin e supozuar të shmangies së kërkesave të FOIA-s.
