Si “i verbëroi” Rusia forcat ukrainase duke shkatërruar rrjetin e energjisë elektrike dhe sistemin satelitor “Starlink”?
Kiev: “Humbëm 30% të infrastrukturës sonë energjetike pas bombardimeve ruse gjatë dy ditëve”.
Ditët e fundit, Rusia ka arritur të “verbojë” forcat e armatosura ukrainase duke synuar strategjikisht infrastrukturën energjetike dhe satelitët e sistemit “Starlink” të Elon Musk.
Rreth 30% e infrastrukturës energjetike të Ukrainës u prek nga hakmarrja ruse brenda dy ditësh, zbuloi Ministri ukrainas i Energjisë Herman Halushchenko.
Kështu, në Rajonet e Vinnitsa dhe Dnipro, u vendos një regjim total i kursimit të energjisë.
Aktualisht ka ndërprerje të vazhdueshme në të paktën dhjetë Rajone: Lviv, Ternopil, Ivano-Frankivsk, Khmelnitski, Vinnitsa, Cherkasi, Kiev, Poltava, Sumi dhe Kharkov.
Ky fakt, si dhe fakti që rusët sulmuan satelitët “Starlink” të Elon Musk, ka çuar në një ngadalësim të ndjeshëm të operacioneve ushtarake ukrainase pothuajse në të gjitha frontet.
Forcat e armatosura ukrainase kanë humbur shumë nga komunikimet e tyre dhe nuk mund të marrin informacion në kohë nga Perëndimi për vendndodhjen e forcave ruse në çdo moment, siç bënin më parë.
Gjuajtja masive me rreze lazer gjatë ditëve të fundit në qytetin kufitar Belgorod, në një distancë 70km nga Kharkiv, por edhe nga Rajone të tjera të Rusisë, që vinin nga sistemi Peresvet, u përdorën kundër sistemit të satelitëve “Starlink” të Elon Musk, duke “verbuar” forcat ukrainase dhe duke i detyruar të pësojnë humbje të konsiderueshme.
Goditjet me lazer të satelitëve “Starlink” u bë prej rusëve, pasi kuptuan se mund t’i godisnin, teksa janë pronësi privatë, pa pasur probleme diplomatike, ndërkohë që nuk kanë goditur satelitët e qeverisë (d.m.th. satelitët britanikë, francezë, amerikanë, izraelitë) të cilët mund t’i godisnin lehtësisht, gjithashtu.
Përsa i përket elektrifikimit, pa të ose në mungesë të madhe të tij, ukrainasit e kanë të vështirë të transportojnë trupa dhe furnizime në vijën e frontit, pasi hekurudhat e tyre furnizohen me energji elektrike.
