Rrjeti i trafikut të emigrantëve në Kristallopigi. Pagesa mujore nga 2.000 deri në 10.000 euro në muaj, për çdo polic.
Pothuajse i gjithë Departamenti i Kontrollit të Pasaportave të pikës kufitare Krystalopigji ishte “grasatuar” për të ndihmuar qytetarët nga Shqipëria, për të hyrë në Greqi.
Nga 2.000 deri në 10.000 euro në muaj merrte secili prej 7 policëve të akuzuar për lehtësimin e hyrjes dhe daljes së të huajve nga Greqia, të pakontrolluara nga stacioni kufitar i Kristalopigisë, edhe pse kishin një ndalim hyrje-dalje në vend, ose vendime administrative deportimi.
Nga 350 euro në 700 euro ndryshonte “tarifa” për çdo vërtetim të rremë në dokumentet e udhëtimit të të huajve.
Drejtuesi i rrjetit thuhet se është një pronar kantine 37-vjeçar dhe i dyti është një punonjës 32-vjeçar i një kompanie private të shërbimeve të telekomunikacionit, i cili ishte “i lidhur” me një shef gardian 50-vjeçar, i cili duket se ka futur në “lojën e korrupsionit” edhe gjashtë policë të tjerë të Departamentit të Kontrollit të Pasaportave.
“Baza” e organizatës kriminale ishte menca / kantina e “liderit”, pranë stacionit kufitar.
1.700 raste, që kalkulohet në 680,000 euro të ardhura.
Shërbimi i Punëve të Brendshme të Forcave të Sigurisë së Greqisë Veriore arrestoi 14 anëtarë të organizatës kriminale, mes tyre 7 oficerë policie, me shërbim në Departamentin e Kontrollit të Pasaportave të Kristalopigjisë, ndërsa në dosjen e krijuar janë përfshirë 123 persona, mes tyre edhe 2 punonjës policie, të cilët shërbejnë në Kristalopigi dhe në qytetin Lamia të Greqisë.
Organizata kriminale dyshohet se ka kryer mbi 1.700 raste të lehtësimit të hyrje-daljeve të të huajve me përfitim të vlerësuar në 680.000 euro.
Përveç 7 punonjësve të policisë, një pronari i kantinës, një punonjës i një kompanie private të shërbimit të telekomunikacionit, një taksist dhe kryetari i komunës, janë përfshirë edhe dy taksistë të tjerë.
‘Modus operanti’ dhe kodet
Që nga viti 2020, organizata kriminale ishte formuar me një metodologji specifike veprimi e cila funksiononte si më poshtë:
Ata lëshonin vërtetime të rreme në pasaporta me qëllim që të mos plotësoheshin 90 ditët e qëndrimit ligjor, në rastin e të huajve që kishin tejkaluar kohëzgjatjen maksimale të qëndrimit të tyre ligjor, në rastin e të huajve, ndaj të cilëve ishte në pritje ekzekutimi i vendimeve administrative për dëbim-kthim, duke lehtësuar hyrjen ose daljen në dhe nga vendi të të huajve pa dokumente udhëtimi, ose me ndalim dalje-hyrje në fuqi.
Policia vuloste pasaportat kryesisht në orët e para të mëngjesit, përdorte lidhje telefonike, të cilat nuk korrespondonin me të dhënat e identitetit të tyre, por edhe aplikacionet e komunikimit online. Ata përdornin fjalëkalime dhe kode në bisedat e tyre. Për shembull, pasaportat quheshin “të kuqe”, ose “qershi”, “ajo”, “letër”, “këto”, ndërsa pagesa e parave quhej “kafe” (këtë e kanë mësuar nga shqiptarët).
Dialogët e anëtarëve
Disa nga dialogët dhe raportet e anëtarëve të rrjetit janë karakteristike. Numri dy i rrjetit thotë në një moment: “Jo, të thashë, të thashë që në fillim sa dua unë, sa do tjetri…, unë çdo ditë… më kthehet mendja”.
Një polic flet me një “klient” të huaj:
Klienti: “Kemi një rast që është gjobitur për tre vjet. Nëse ka një pasaportë të re, a mund të hyjë?”
Polici kufitar: “Jo, ai duhet të ndryshojë të dhënat, duhet të ndryshojë datën e lindjes. Dhe asnjë shkronjë në emër, si kjo”.
Në një tjetër dialog, kryepolici 50-vjeçar, kreu i organizatës kriminale me kolegët e tij, bisedon me të dytin e rrjetit:
Polici 50-vjeçar: “Më tregoni datën e saktë”.
Zëvendës shefi: “Prit! 7/9/1998”.
Polici 50-vjeçar: “Jo, është i pastër, nuk ka asgjë. Prisni!”
Numri dy i rrjetit: “Nuk ka gjobë?”
Polici 50-vjeçar: “Prit një minutë që ta shoh edhe unë. Jo, prit, ka diçka, po, po, ulu! Ulu, do të vij të të them, prit!”
Bëhet me dije se dy nga personat e përfshirë në këtë rast janë të lidhur edhe me një rast të trafikut të produkteve të duhanit kontrabandë.
Të arrestuarit janë dërguar në prokurorinë kompetente.
