Akt i pastër lufte kundër Rusisë, këtë vërteton mesazhi i Liz Truss dërguar Sekretarit amerikan të Shtetit Blinken. Kështu, Liz Truss gozhdoi operacionin britanik për të hedhur në erë tubacionet Nord Stream.
Ja pse ajo u dorëhoq! Sepse, ka thyer protokollet e sigurisë!
Mosrespektimi i protokolleve të sigurisë, shenjë e pamjaftueshmërisë për nga aftësitë drejtuese së saj, ish kryeministrja e Britanisë jo vetëm autorizoi hedhjen në erë të tubacioneve ruse Nord Stream, por edhe dërgoi një mesazh me fjalët “It’s done”, vetëm një minutë pas shpërthimit të tubacioneve të gazsjellësit.
Tani lufta në Ukrainë po zgjerohet pasi është e sigurt që rusët do t’i përgjigjen këtij akti të qartë lufte të Britanisë.
Britanikët dhe amerikanët supozuan, dhe me të drejtë, se Gjermania do të epej para presionit popullor dhe do të bënte marrëveshjen e saj për të blerë gazin rus. Kështu ata hartuan një plan duke hedhur në erë tubacionet Nord Stream. Operacioni u ndërmor nga britanikët.
Kur tubacionet Nord Stream filluan të shpërthejnë, sensorët në tubacionin e kompanisë ruse të gazit GAZPROM ndezën alarmet që tregonin se presioni kishte rënë në mënyrë masive dhe të papritur. GAZPROMi më pas e kuptoi që tubat ishin çarë. Kompjuterët GAZPROM që regjistruan minutat/sekondat kur u aktivizuan alarmet e sensorëve përdorin të gjithë Kohën Universale të Koordinuar (UTC) për vulat kohore.
Pikërisht një minutë pasi ra alarmi në GAZPROM, regjistrimet iCloud të celularit iPhone të kryeministres Liz Truss tregojnë se ajo përdori celularin iPhone të saj për t’i dërguar një mesazh me tekst Antony Blinken, Sekretarit të Shtetit të SHBAsë.
Mesazhi ishte: “It’s done!” (U krye!)
Askush tjetër nuk e dinte se tubacionet ishin hedhur në erë. GAZPROM e dinte se kishte një problem, por nuk e dinte se çfarë. Nga e dinte Liz Truss? Sepse ishte qeveria britanike ajo që kreu sabotimin.
Në fakt, ky informacion u bë problem nga vetë Ministria e Jashtme ruse.
Themeluesi i platformës së Megaupload dhe shkëmbimit të skedarëve Mega, Kim Schmitz, postoi në Twitter se Truss i dërgoi Blinken mesazhin “mbaroi” një minutë pas shpërthimeve të Nord Stream.
Nuk janë vetëm ‘Five Eyes’ që kanë akses në të gjitha bazat e të dhënave të Big Tech. Rusia dhe Kina gjithashtu kanë njësi të sofistikuara kibernetike. Gjëja qesharake është se zyrtarët qeveritarë me lejet më të larta të sigurisë, ende preferojnë iPhone të koduar ndaj atyre, të dhënë nga NSA dhe GCHQ.
Pak ditë më parë, Moska fajësoi marinën britanike për sulmet e 26 shtatorit. Sekretarja e shtypit e Ministrisë së Jashtme ruse, Maria Zakharova, ka reaguar duke shkruar në Telegram:
“Më intereson përgjigja e Londrës për pyetjen e mëposhtme: A i dërgoi kryeministrja britanike Liz Truss mesazhe Sekretarit amerikan të Shtetit Anthony Blinken duke thënë “U krye” menjëherë pasi gazsjellësi Nord Stream u hodh në erë? Miliona njerëz në mbarë botën presin përgjigjen e Londrës”, tha Zakharova.
Më 29 tetor, ‘Daily Mail’ i Britanisë raportoi se telefoni privat i Liz Truss ishte hakuar gjatë verës. Përsa i përket përmbajtjes së telefonit, deri më tani nuk dihet asgjë.
