Dishepull i Krishtit, i cili shkroi Ungjillin e parë (“Sipas Mateut”).
Kujtimi i tij nderohet nga kisha e krishterë më 16 nëntor dhe sot festojnë ata me emrin Mateu.
Levis, siç ishte emri i tij, jetonte në Kapernaum dhe punonte si taksambledhës. Ishte një zyrtar në autoritetin romak të Palestinës dhe dinte, përveç gjuhës hebraike, edhe aramaishten dhe greqishten. Krishti e pa në vendlindjen e tij “të ulur përballë taksambledhësit” dhe e ftoi të bëhej dishepull i tij.
Mateu u bë dishepulli i tij besnik dhe i përkushtuar, megjithëse mbeti në errësirë në raport me dishepujt e tjerë të Krishtit. Ai shkroi një libër për jetën, mrekullitë, mësimet, pasionin, ringjalljen dhe ngjitjen në qiell të Zotit. Ky libër i tij, i shkruar fillimisht në hebraisht (viti 50) dhe më pas i përkthyer nga ai vetë në greqisht (midis viteve 60 dhe 70), është i pari nga katër Ungjijtë.
Pas Rrëshajëve, Mateu dha mësim Ungjillin në Palestinë, Arabi, Etiopi, Persi, Midia dhe Maqedoni.
