Pasgoditje të vazhdueshme, por pak mbi 3 Rihter.
“Nuk jemi të sigurtë që tërmeti kryesor ishte 4.9”, thonë ekspertët.
Dhjetëra pasgoditje pas tërmetit me magnitudë 4.9 të regjistruar mesditën e së mërkurës në qendër të Evias po shkaktojnë shqetësim tek banorët, ndërsa shkencëtarët mbeten në gatishmëri për zhvillimin e fenomenit.
Sizmologët që monitorojnë fenomenin bien dakord për faktin se ende nuk mund të thuhet nëse tërmeti kryesor është 4.9 Rihter, por edhe se është një zonë sizmike e njohur që ka prodhuar tërmete të përmasave mesatare në të kaluarën.
Lëkundjet nuk kanë lidhje me tërmetet, pak më shumë se 5 Rihter, që ndodhën një muaj më parë në Evian jugore.
Në çdo rast, sizmologët këshillojnë banorët të kenë kujdes. Autoritetet janë gjithashtu në gatishmëri për çdo rast.
Lëkundjet dhe pasgoditjet.
Tërmeti me magnitudë 4.9 ka ndodhur në orën 14:24, 65km në veri të Athinës dhe 5km në lindje të Psachni Evia. Shkaku është i njohur për sizmologët, të cilët theksojnë se ka prodhuar tërmete të përmasave mesatare në 2003 dhe 2008.
Pasgoditjet që do të pasojnë mund të arrijnë të njëjtën madhësi, theksojnë shkencëtarët.
Të paktën tetë pasgoditje u regjistruan në orën e parë. Ajo u pasua nga një pasgoditje në shkallë të vogël prej 2.4 Rihter dhe, pak më pas, një pasgoditje më intensive prej 3.5 Rihter u ndje gjithashtu në Attikë dhe një më e vogël me magnitudë 3.2 Rihter.
Të gjitha lëkundjet ishin në të njëjtën epiqendër, 4 deri në 7km lindje-juglindje të Psachni.
Kjo zonë qendër sizmike tashmë është kthyer në shqetësim serioz për shkencëtarët dhe sizmiologët, të cilët nuk janë të qetë dhe të sigurtë që nuk do të ketë një tërmet që mund të trondisë realisht ishullin dhe zonat përreth. Ndaj banorët e ishullit duhet të jenë shumë të kujdesshëm, edhe pse është një fenomen i paparashikueshëm në kohë dhe në fuqi goditëse.
