Tre gabime të komandantëve rusë.
Presidenti rus Vladimir Putin ka urdhëruar një hetim urgjent për varrin masiv të ushtarëve rusë në Makiivka, me disa analistë dhe ekspertë ushtarakë rusë që madje bëjnë thirrje për ekzekutimin publik të atyre që janë përgjegjës për tragjedinë.
Eksperti ushtarak Boris Rozin tha se Vladimir Putin urdhëroi Komitetin Hetimor të hetojë vdekjen masive të ushtarëve rusë
Presidenti V. Putin urdhëroi një hetim mbi tragjedinë deri më 6 janar. Të premten, Komiteti Hetues duhet t’i dorëzojë Putinit rezultatet e hetimit.
Në të njëjtën kohë, Putin udhëzoi Ministrin e Punëve të Jashtme S. Shoigu dhe shefin e Shtabit të Përgjithshëm, së bashku me Kundërzbulimin Ushtarak që të ndihmonin Komitetin Hetimor në hetimin e Makiivka dhe të kryenin të gjitha llojet e ekzaminimeve. Raporti i rezultateve do të dorëzohet jo më vonë se ora 12:00 e datës 6 janar.
Njësitë e mbrojtjes ajrore rezervë dhe mbrojtjes kundër raketave janë zhvendosur urgjentisht në Makiivka për të mbrojtur ekipin e hetuesve dhe mjekësisë ligjore.
Sipas burimeve të ndryshme ruse, numri i të vdekurve kalon 150.
Ministria ruse e Mbrojtjes në një lëvizje të rrallë njoftoi dje, pasdite herët, se 63 ushtarë rusë u vranë nga një sulm ukrainas me sistemin raketor HIMARS.
Sipas zëdhënësit të Ministrisë ruse të Mbrojtjes, Igor Konashenkov, katër raketa shënjestruan një “qendër të përkohshme vendosjeje” të ushtrisë. Dy raketa të tjera u rrëzuan, pohoi ai.
Njoftimi është i jashtëzakonshëm: jo vetëm që është numri më i rëndë në një sulm të vetëm që Moska ka pranuar që nga fillimi i luftës në shkurt, por është gjithashtu njoftimi i parë i viktimave ushtarake që nga shtatori, kur ministri rus i Mbrojtjes Sergei Shoigu kishte folur për 5937 të vdekur në radhët e ushtrisë ruse.
Madje, pranimi i humbjeve shkaktoi edhe reagimin e analistëve, blogerëve dhe ekspertëve ushtarakë rusë, të cilët kërkojnë dënimin e komandantëve ushtarakë pasi këta të fundit zgjodhën t’i strehonin ushtarët pranë një depoje municionesh.
“Çdo gabim ka një emër.”
Ish-komandanti i trupave ruse në Ukrainën lindore, Igor Girkin, i cili është një nga blogerët më të mëdhenj ushtarakë rusë, foli për qindra të vdekur.
Por pak më vonë ai ka redaktuar postimin e tij dhe ka shtuar të plagosurit. Siç theksoi ai, municioni ishte ruajtur diku dhe pajisjet ushtarake ruse nuk ishin të kamufluara.
Një tjetër bloger, Ribar, tha se rreth 70 ushtarë u konfirmuan të vdekur dhe më shumë se 100 të plagosur. Një tjetër bloger ushtarak, Archangel Spetznaz Z, shkroi se “ajo që ndodhi në Makiivka është e tmerrshme”. Në fakt, blogerja në fjalë ka mbi 700 mijë ndjekës në Telegram.
“Kujt i shkoi mendja të fuste kaq shumë personel në një godinë, ku edhe një budalla e kupton se edhe nëse godasin me artileri, do të ketë shumë të plagosur apo të vdekur?” – shkroi ajo.
Komandantët “nuk u interesuan fare” për municionet e ruajtura në rrëmujën e fushës së betejës, mesa duket.
Vlen të theksohet se që nga 24 shkurti 2022, kjo është hera e parë që Moska pranon se ka dhjetëra viktima në një incident të vetëm në fushëbetejë. Dhe kjo sepse sa herë që bën njoftime për humbje zakonisht citon një numër të vogël. Për shembull, ajo pranoi vetëm një vdekje në mesin e qindra ekuipazhit kur Ukraina fundosi anijen kryesore të Flotës Ruse të Detit të Zi, kryqëzorin Moskva, në prill.
Shkumë dhe tërbim në Rusi.
Kritikat janë ngritur brenda Rusisë pasi 63 ushtarë në Ukrainë u vranë në një sulm ajror ukrainas, humbja më e rëndë nga një sulm i vetëm që Moska e ka pranuar që nga fillimi i pushtimit.
Sipas New York Times, zyrtarët rusë shprehën hapur pakënaqësinë e tyre, duke folur për “gabime të përsëritura që po i kushtojnë shtrenjtë vendit”.
Tre gabime që përmendin në këtë rast të veçantë janë:
*përqendrimi i një numri të madh ushtarësh brenda rrezes së artilerisë ukrainase;
*vendimi për strehimin e tyre në një godinë që përdorej si depo municioni dhe
*leja që iu dha për të përdorur celularët e tyre, sinjalin e të cilit ukrainasit përdorin për të gjetur objektivin e tyre.
