Shën Joani i Konstandit ose Joan Iliç Sergijev (31 tetor 1829 – 2 janar 1909) ishte një klerik ortodoks rus dhe anëtar i Sinodit të Shenjtë të Kishës Ortodokse Ruse.
Joani i Kronstadot është një profet i njohur, me zë. Ai parashikoi epokën e rilindjes ruse. Joani argumentoi në thëniet e tij pse populli rus duhet të kuptojë që Rusia është mbështetja e Fronit të Zotit dhe se të gjithë duhet ta falenderojnë Perëndinë që kanë lindur rusë.
Mbretërit i besuan atij
Në fund të shekullit të 19-të, u mor vendimi për të ndërtuar një kishë ortodokse në Varshavë. Si zakonisht, filluan nga mbledhja e fondeve, kur At Joani u tha këtë:
“Unë e shoh me hidhërim ndërtimin e këtij tempulli. Por këto janë urdhërimet e Perëndisë. Jo shumë kohë pas ndërtimit të saj, Rusia do të përmbytet me lumenj të kuq dhe do të shpërbëhet në disa shtete të pavarura afatshkurtra. Dhe Polonia do të bëhet e lirë dhe e pavarur”.
Gazeta “Russian Vedomosti” shkroi për këto thënie të At Joanit. Kur zyrtarët e lartë lexuan parashikimin, apo fjalët profetike të klerikut të botuara në këtë gazetë, qarkullimi i saj, apo shitja u ndalua dhe tirazhi i gazetave të printuara u konfiskua dhe u shkatërrua, por në veshët e Car Aleksandri III mbërriti lajmi dhe ai arriti të mësonte gjithçka që ishte thënë dhe shkruar.
Joani i Kronstandit gëzonte fuqi të madhe, kështu që mbreti vendosi të braktiste ndërtimin e tempullit. Megjithatë, profeti këmbënguli në ndërtimin e tij, duke besuar se ky ishte vullneti i Zotit. Tempulli u ndërtua në vitin 1912, por disa vjet më vonë profecia filloi të shfaqej, apo të realizohej.
Në mesin e viteve ’20 të shekullit të njëzetë, katedralja u shkatërrua nga autoritetet polake, të cilët besonin se kisha ortodokse ishte një simbol i sundimit rus në Poloni.
Takime të frikshme
Një ditë, një plak iu shfaq Joanit dhe i zbuloi të ardhmen.
“Plaku më kryqëzoi dhe u ndjeva i lehtë dhe i lumtur. Edhe unë u kryqëzova. Papritur muri u zhduk. Imazhet e së ardhmes u ndezën para meje”, shkroi At Joani pak para se të vdiste.
Ai pa vdekjen e Carit, luftën, revolucionet, persekutimin e Kishës, manastiret e shkatërruara, një brez ateistësh dhe më pas një luftë tjetër. Vegimet e tmerruan, duke parathënë sprova të tmerrshme që i kanoseshin Rusisë, njerëz me rroba të kuqe, që mbanin një yll me Satanin mbi krye, të rrethuar nga demonët.
“Unë shoh fronin e tij. Rreth fronit në tre rreshta, qirinj rrëshire digjen dhe mbi të ulet Sundimtari Universal në ngjyrë vjollce, të kuqe të ndezur. Në kokën e tij është vendosur një kurorë ari dhe diamanti me një yll. E pyeta plakun – kush është ai? Dhe ai u përgjigj – ai është, ekziston Antikrishti.”
Plaku përmendi disa data: 1914, 1917, 1922, 1930, 1933, 2024.
Çfarë do të na sjellë viti i ardhshëm nuk dihet. Mesazhet e atit të madh Joanit nuk janë ruajtur. Gjëja e fundit që parashikuesi shkroi: “Gjithçka mbaron dhe do të marrë fund edhe koha e paudhësisë. Njerëzit do të duket se zgjohen nga një ëndërr e magjepsur. Përsëri një mbret ortodoks do të shfaqet në Rusi. Nëpërmjet përpjekjeve të tij, bota do të bashkohet dhe do t’i kundërvihet Antikrishtit”.
Gjithçka që mund të bëjmë është të presim dhe të shpresojmë për më të mirën.
