Injorim i rrezikshëm i realitetit nga udhëheqja e Brukselit.
Problematike është përmbajtja e fjalimit të presidentes së Komisionit Europian, Ursula von der Leyen, e cila duket se nuk ka asnjë kontakt me realitetin dhe rreziqet e shkatërrimit total të planetit, jo nga ndryshimet klimatike të promovuara nga agjentët dhe “megafonët” e zhvillimit të gjelbër, por nga aktiviteti ushtarak bërthamor!
Shprehja e saj “do ta gjykojmë Putinin për krime lufte” tregon më tepër se urrejtje ndaj presidentit rus, është injorancë.
Injorancë e rrezikshme për atë që do të ndodhë, jo nëse do të ketë një sulm ndaj Rusisë metropolitane, por edhe nëse teorikisht ukrainasit në një farë mënyre, “magjikisht” do të ndërmarrin operacione ushtarake, është më shumë se e rrezikshme. Pasi Rusia e ka bërë të qartë se edhe një thyerje e vogël e linjave mbrojtëse të projektit të fortifikimit të “Linjës Surovikin”, që do të rrezikonte sovranitetin rus në Krime, do të përballej me armë taktike bërthamore.
E njëjta gjë vlen edhe për enklavën ruse të Kaliningradit.
Arrestimi dhe sjellja e B. Putinit në bankën e të akuzuarve të Gjykatës Ndërkombëtare Penale në Hagë është teorikisht më e vështirë sesa të ulesh në bankën e të akuzuarve disa prej presidentëve amerikanë si T. Bush, apo M. Obama, siç duan shumë në SHBA, suke i futur në burg për krimet që kanë bërë në Irak dhe Afganistan në emër të popullit amerikan.
Çështja është se ata nuk e kanë kuptuar, ose në Bruksel bëjnë sikur nuk e kuptojnë, se fillimisht Europa dhe më pas SHBA do të shkatërrohen, në rast se do të tentohet një ndërhyrje ushtarake europiane në Ukrainë.
Të gjitha “ushtritë” e vendeve anëtare të BE-së janë 30% e vlerës luftarake të ushtrive aktive ruse.
Armët bërthamore ruse, janë dhjetë herë më shumë se ato europiane, që në thelb janë kryesisht ato franceze.
Pra?
Pra, nuk kemi vetëm politikanë mashtrues në Shqipëri, Ballkan, por në të gjithë Europën.
Për kujtesë: Kontratë programore e von der Leyen me kompaninë Pfizer, pse nuk po hetohet në thellësi?
