Votimi ishte me shumicë votash, me 352 anëtarë të Kongresit votuan pro dhe vetëm 65 kundër.
SHBA ka miratuar një projekt-ligj që kërkon që pronari i TikTok, ByteDance, platformën e rrjeteve sociale ta bëjë kundrejt pagesës ose të përballet me ndalim të aplikacionit në Shtetet e Bashkuara.
Projektligji, i cili shkoi në votim pasi u miratua unanimisht nga një komitet javën e kaluar, i jep ByteDance me bazë në Kinë, 165 ditë kohë për të hequr dorë nga TikTok.
Nëse jo, “dyqanet” e aplikacioneve, duke përfshirë aplikacionet Apple dhe Google Play, do të duhet të heqin TikTok, ose të ofrojnë shërbime të pritjes në internet për aplikacionet e kontrolluara nga ByteDance.
Autorët e projektligjit argumentuan se projekt-ligji nuk përbën ndalim, pasi i jep ByteDance një shans për të shitur TikTok dhe për të shmangur një ndalim të tij në SHBA.
Republikani Mike Gallagher, kryetar i Komisionit të Përzgjedhur të Dhomës së Përfaqësuesve për Kinën dhe Raja Krishnamoorthi, demokrati më i lartë në komitet, prezantuan legjislacionin për të adresuar shqetësimet e sigurisë kombëtare të ngritura nga pronësia kineze e aplikacionit.
“TikTok mund të vazhdojë dhe njerëzit mund të bëjnë çfarë të duan me të përsa kohë që kjo masë pranohet” tha Gallagher, duke u kërkuar investitorëve amerikanë në ByteDance që të mbështesin kthimin me pagesë të aplikacionit. “Nuk është ndalim – mendojeni si një operacion për të hequr tumorin dhe për të shpëtuar kështu pacientin në proces”.
Votimi i Dhomës së Përfaqësuesve vuri në dukje kërcënimin e madhqë vjen nga TikTok, në një betejë të vazhdueshme politike mbi pretendimet se kompania me bazë në Kinë mund të mbledhë të dhëna sensitive të përdoruesve dhe të çensurojë politikisht përmbajtjen, edhe pse TikTok ka deklaruar vazhdimisht se nuk i shpërndan dhe nuk do të ndajë të dhënat e përdoruesve të SHBA me qeverinë kineze.
Pavarësisht këtyre argumenteve, TikTok u përball me një tentativë ndalimi nga Donald Trump në vitin 2020 dhe një ndalim mbarëkombëtar i miratuar në Montana në vitin 2023. Gjykatat i bllokuan të dyja këto ndalime për arsye të Amendamentit të Parë.
Komiteti i Departamentit të Thesarit për Investimet e Huaja në Shtetet e Bashkuara (CFIUS) kërkoi në mars 2023 që ByteDance të shesë aksionet e tij në TikTok, ose të përballet me një ndalim të aplikacionit, raportoi Reuters, por nuk ka bërë për këtë ende asnjë veprim.
E ardhmja e projektligjit është më pak e sigurt në Senat. Disa demokratë të Senatit e kanë kundërshtuar publikisht projektligjin, duke përmendur shqetësimin mbi fjalës së lirë dhe kanë propozuar masa që do të adresonin shqetësimet për ndikimin e huaj në të gjitha mediat sociale, pa synuar në mënyrë specifike TikTok. “Ne kemi nevojë për kufizime në mediat sociale, por ne kemi nevojë që ato kufizime të zbatohen në të gjithë bordin” tha senatori Elizabeth Warren.
Senatori demokrat Mark Warner, i cili vitin e kaluar propozoi një projekt-ligj të veçantë për t’i dhënë Shtëpisë së Bardhë kompetenca të reja mbi TikTok, tha se kishte “disa shqetësime në lidhje me kushtetutshmërinë e një qasjeje që emërton kompani të veçanta”, por do ta konsideronte dhe do ta analizonte “me kujdes këtë projektligj”.
Shtëpia e Bardhë e mbështeti legjislacionin, me zëdhënësen Karine Jean-Pierre duke thënë se administrata dëshiron “të shohë këtë projektligj të përfunduar në mënyrë që të arrijë në tryezën e presidentit”.
TikTok, i cili ka 170 milionë përdorues amerikanë, argumentoi të kundërtën, duke thënë se ishte e paqartë nëse Kina do të miratonte dipka të tillë.
