Ajo po hetohet për “ndërhyrje në funksione publike, shkatërrim SMS, korrupsion dhe konflikt interesi”.
Një hetim kundër Presidentes së Komisionit Europian Ursula von der Leyen dhe CEO të Pfizer Albert Burla ka nisur nga prokurorët e Lièges për të hetuar ankesat në lidhje me negociatat për vaksinën Covid 19.
Hetuesit nga Zyra e Prokurorit Publik Europian (EPPO) kanë ndihmuar prokurorët belgë në muajt e fundit duke hetuar Ursula von der Leyen për “ndërhyrje në funksione publike, shkatërrim SMS, korrupsion dhe konflikt interesi”, sipas dokumenteve ligjore të publikuara nga “Politico”.
Ndërsa prokurorët e EPPO-së janë duke hetuar veprat e supozuara penale, askush nuk është akuzuar ende në lidhje me rastin.
Hetimi u nis fillimisht nga autoritetet gjyqësore belge në qytetin e Lièges, në fillim të vitit 2023, pas një ankese penale të paraqitur nga lobisti vendas Frédéric Baldan.
Qeveritë hungareze dhe polake iu bashkuan më vonë ankesës penale, “megjithëse kjo e fundit është në proces të tërheqjes së ankesës së saj, pas fitores zgjedhore të një qeverie pro-europiane të udhëhequr nga Donald Tusk”, tha një zëdhënës i qeverisë polake për “Politico”.
Ankesa e Baldan u përqendrua në një shkëmbim të supozuar të mesazheve me tekst midis von der Leyen dhe shefit të Pfizer Albert Burla, në prag të marrëveshjes më të madhe të vaksinës nga BE, në kulmin e pandemisë Covid-19, në një rast të quajtur ‘Pfizergate’.
New York Times, e cila së pari zbuloi se shkëmbimi i mesazheve kishte ndodhur ndërsa të dy udhëheqësit përpunuan kushtet e marrëveshjes, nisi një padi paralele kundër Komisionit, pasi ai refuzoi të zbulonte përmbajtjen e mesazheve pas një kërkese për akses në dokumenta.
Lajmet se EPPO tani po heton rastin, rrezikojnë një shqyrtim të mëtejshëm të rolit të Presidentes së Komisionit në marrëveshjen e mega-vaksinave, e cila vlerësohet të ketë kaluar në më shumë se 20 miliardë euro.
EPPO drejton hetimet në mbarë Europën për krime financiare dhe teorikisht mund të konfiskojë telefona dhe materiale të tjera të lidhura me çështjen, nga zyrat e Komisionit ose në vende të tjera europiane, si Gjermania, vendi i origjinës së von der Leyen.
Zhvillimi vjen në një kohë sensitive për shefen e BE-së, teksa ajo pret të jetë për një mandat të dytë në krye të Komisionit.
Komisioni deri më tani ka refuzuar të zbulojë përmbajtjen e mesazheve SMS apo edhe të konfirmojë ekzistencën e tyre.
Marrëveshja, e cila u negociua në kulmin e pandemisë në 2021, fillimisht u pa si një triumf për von der Leyen.
Por vëllimi i madh i vaksinave të blera ka ngritur pikëpyetje, me Politico që zbuloi në fund të vitit të kaluar se, kishte të paktën 4 miliardë euro doza “të humbura”. Kontrata e vaksinës me Pfizer që atëherë është rinegociuar.
Mbrojtësit e transparencës dhe disa kundërshtarë politikë janë përpjekur t’i bëjnë presion komisionit për të diskutuar rastin, por von der Leyen deri më tani e ka shmangur trajtimin e tij.
Në përgjigje të një pyetjeje të drejtpërdrejtë nga POLITICO për mesazhet e munguara, von der Leyen tha: “Komisioni nuk i është përgjigjur rastit: “Gjithçka e nevojshme për këtë është thënë dhe shkëmbyer. Dhe ne do të presim rezultatet”.
Në vitin 2022, EPPO njoftoi se po shqyrtonte prokurimin e vaksinave të BE-së në përgjithësi, por kjo është hera e parë që zyra është lidhur në mënyrë eksplicite me Pfizergate.
Çështja që po shqyrtohet tani nga EPPO bashkon shumë fusha të ndryshme ligjore, politike dhe ekonomike – dhe ndërthuret me paditë e ngritura nga gjigandi farmaceutik Pfizer kundër Hungarisë dhe Polonisë.
Vitin e kaluar, Baldan, një lobist belg 36-vjeçar, me lidhje me grupin kundër vaksinave Bon Sens, ngriti një padi në Belgjikë mbi rolin e von der Leyen në negociatat e vaksinës me Pfizer, duke pretenduar akte “të ndërhyrjes në detyrat publike, duke shkatërruar SMS, korrupsion dhe konflikt interesi”, thuhet në informacionin ligjor të avokatit të tij.
Shtimi i qeverive europiane në ankesën e tij, i shton peshë asaj që përndryshe mund të shihej si një kryqëzatë personale.
Hungaria, e udhëhequr nga Viktor Orbán, një kundërshtar i vendosur i von der Leyen, ka paraqitur gjithashtu një ankesë për rolin e Presidentes së komisionit në negociatat e vaksinës me Pfizer, sipas dy personave të njohur me këtë çështje, të cilët folën për anonimitetin.
Polonia paraqiti ankesën e saj nëntorin e kaluar, konfirmoi një zëdhënës i qeverisë polake. Megjithatë, pas zgjedhjes së Tusk në dhjetor, “qeveria e re po punon për tërheqjen e Polonisë nga ky proçes”, tha zëdhënësi.
Detajet e rastit nuk janë publike, por informacione të brendshme thanë se ndërsa ankesa e Hungarisë është e ndryshme nga ajo e Baldanit, ajo përqendrohet në të njëjtin shkëmbim mesazhesh me tekst, analoge edhe ankesa e Polonisë.
