Por një përgatitje e tillë nuk rezulton nga asgjë dhe prej askujt.
Sipas gazetës arabe Al Mayadeen, raportohet se CIA ka paralajmëruar Izraelin për një sulm të afërt nga Irani, i cili mund të ndodhë brenda 48 orëve të ardhshme, megjithëse përveç videove të njohura të rojeve iraniane nuk duket se ka ndonjë përgatitje për diçka kaq masive.
Teherani, siç theksojnë shumë analistë, nuk dëshiron të shkaktojë një konflikt të gjerë ushtarak në Lindjen e Mesme.
Irani thuhet se po përpiqet të formulojë një përgjigje që tregon se iranianët mund t’i përgjigjen sfidave pa përshkallëzuar situatën tashmë të tensionuar.
Sipas të njëjtave informacione, operacioni pritet të përdorë një kombinim të paprecedent të dronëve dhe raketave të lundrimit, duke synuar vendndodhje strategjike kyçe, brenda kufijve të Izraelit.
Ndërkohë, raporti i gazetës vjen mes kërcënimeve publike nga Irani për t’u hakmarrë, duke nxitur frikën për një sulm të afërt. Sulmi i Izraelit ka shkaktuar një sërë kërcënimesh të mprehta nga nivelet më të larta të vendit, pasi jo vetëm që vrau Zahedin, figurën kryesore të Iranit në rajon, por edhe disa oficerë të tjerë.
“Së shpejti do të jemi dëshmitarë të sulmeve të reja vdekjeprurëse kundër Izraelit dhe fronti i rezistencës do të përmbushë detyrën e tij”, tha përfaqësuesi i Gardës Revolucionare, Ramadan Sharif.
Gjeneral major Yahya Rahim Safavi, një ish-komandant i Gardës Revolucionare dhe një anëtar i Këshillit Strategjik të Marrëdhënieve me Jashtë të Iranit, tha nga ana e tij se “ndëshkimi i entitetit zionist do të jetë i pashmangshëm”.
Udhëheqësi suprem fetar i Iranit, Ali Khamenei, pohoi se “regjimi zionist do të ndëshkohet nga duart e trimave tanë”, ndërsa në të njëjtën gjatësi vale, presidenti iranian Ebrahim Raishi, premtoi se “ky krim nuk do të mbetet pa përgjigje”.
Sipas raportimeve në kanalet iraniane në platformën Telegram, udhëheqësit iranianë pretendojnë se hakmarrja do të synojë “tre udhëheqës të lartë ushtarakë izraelitë”.
Një zyrtar i CIA-s që shërbeu në Lindjen e Mesme e quajti sulmin e Izraelit në Siri “tepër të pamatur”, duke shtuar se “izraelitët po nënshkruajnë çeqe që forcat e CentCom-it të SHBA-së do të duhet të arkëtojnë”, duke iu referuar Komandës Qendrore të ushtrisë amerikane.
“Kjo do të çojë vetëm në përshkallëzim nga Irani dhe përfaqësuesit e tij, gjë që është shumë e rrezikshme për forcat amerikane në rajon, të cilët mund të jenë në shënjestër si hakmarrje nga partnerët e Teheranit”, tha zyrtari i CIA-s.
Vihet re se objekti në Damask, i cili u godit gjatë sulmit izraelit nga avionët luftarakë të avancuar F-35, luajti një rol vendimtar në operacionet ushtarake të Iranit.
Sipas gazetës arabe, ajo shërbeu si qendër komanduese për drejtimin e forcave iraniane në Siri dhe Liban, nën udhëheqjen e Zahediut.
