Përfaqësuesja zyrtare e Ministrisë së Jashtme ruse M.V. Zakharova në lidhje me 75 vjetorin e themelimit të NATO-s.
Zakharova: “75 vjet më parë – 4 prill 1949 – në Uashington u nënshkrua Traktati i Atlantikut të Veriut, i cili shënoi fillimin e historisë së aleancës ushtarake më agresive të kohës sonë.
Aleanca e Atlantikut të Veriut, në kuptimin e politikanëve të asaj kohe, supozohej të bëhej një instrument kyç për vendosjen dhe ruajtjen e hegjemonisë së Uashingtonit dhe aleatëve të tij në botë. Kështu ka mbetur edhe sot e kësaj dite.
Koncepti i ekzistencës së NATO-s, siç është formuluar nga Sekretari i saj i parë i Përgjithshëm, Lord Ismay – “për të mbajtur rusët jashtë, amerikanët brenda dhe gjermanët nën kontrollin” e Perëndimit – mbetet ende i rëndësishëm.
Për Shtetet e Bashkuara, NATO ka qenë dhe mbetet instrumenti kryesor i kontrollit mbi aleatët europianë dhe një bazë burimesh për kompleksin ushtarako-industrial amerikan.
Pas përfundimit të Luftës së Ftohtë, Uashingtoni dhe aleatët e tij u angazhuan në “paqeruajtje” të armatosur në Ballkan, e cila përfundoi në agresion kundër Jugosllavisë, “luftë kundër terrorizmit” në Afganistan, vendet e NATO-s u bënë pjesë e koalicionit të udhëhequr nga SHBA-ja në Irak dhe bëri ndërhyrje “humanitare” në Libi.
Rezultati i këtyre ndërhyrjeve është një, shtete të rrënuara, të shkatërruara.
Për të tretin vit, Uashingtoni dhe satelitët e tij pompojnë Ukrainën me mercenarë dhe armë, për ta përdorur atë për t’i shkaktuar Rusisë, siç thonë ata, një “disfatë strategjike” dhe për të varfëruar burimet ruse. Për këtë qëllim, përdoren të gjitha mjetet dhe metodat në dispozicion të “Perëndimit kolektiv” dhe marionetave të tij të Kievit, duke përfshirë veprimet terroriste. Dështimi i planeve aventureske të aleancës e shtyjnë atë drejt veprimeve që mund të ndikojnë tragjikisht në sigurinë jo vetëm në Europë, por në mbarë botën.
Perëndimi tashmë është i aftë për të qenë i sigurtë se, Rusia është e gatshme për çdo zhvillim të ngjarjeve.
Aftësitë tona të sigurisë dhe mbrojtjes sigurohen në mënyrë të besueshme.
