Skena përtej imagjinatës, pluhuri i pashpjegueshëm në atmosferë, që “bllokon” akoma edhe kondicionerët.
Shqetësim për shëndetin e qytetarëve që thithin këto substanca.
Një skenë e frikshme mbizotëron në qiellin e pjesës më të madhe të Greqisë për momentin, ku ngjyrat e verdha dhe portokallia kanë zëvendësuar blunë e qiellit grek.
Meteorologët flasin për pluhur nga Sahara, por asgjë nuk mund të shpjegojë lehtësisht atë që po ndodh, e cila shkon përtej fenomeneve të zakonshme të motit që përfshijnë transportin e pluhurit afrikan.
Gjëja mbresëlënëse është se e gjithë kjo gjendet vetëm në Greqi dhe jo në vendet fqinje si Turqia dhe Italia.
Pluhuri i verdhë, i trashë, ka “zaptuar” pothuajse të gjithë territorin dhe do të ishte mirë nëse autoritetet do të tregonin përbërësit e këtij pluhuri, që miliona grekë po thithin për momentin.
Mijëra qytetarë kanë përjetuar tashmë probleme respiratore, oftalmologjike dhe dermatologjike nga fenomeni.
Është tipike karakteristike që filtrat në kondicionerët e shtëpive dhe të makinave janë “bllokuar” dhe pyetja është se çfarë po thithin njerëzit në një kohë kur as filtrat nuk e përballojnë dot pastrimin e ajrit që qarkullon brenda tyre.
Sidomos në Attikë, situata është e padurueshme, ndërkohë që shërbimi meteorologjik nuk parashikon reshje shiu, siç ka ndodhur në të gjitha rastet e ngjashme deri më tani.
