Vullkani aktiv më jugor i Tokës nxjerr çdo ditë ar me vlerë të një pasurie të vogël, në malin Erebus që ndodhet në Antarktidë. Megjithatë, konsiderohet mjaft e vështirë mbledhja e arit pasi mali është i paarritshëm.
Erebus, i cili së bashku me vullkanin e ishullit Deception janë dy vullkanet e vetëm aktivë të Antarktidës, që nxjerrin rreth 80 gramë ar kristalor, me një vlerë të vlerësuar në 5,633 euro çdo ditë, së bashku me retë e hirit dhe gazeve toksike, sipas New York Post.
Studiuesit e Antarktidës kanë gjetur gjurmë ari në ajrin atmosferik deri në 1.000km larg vullkanit, lartësia e të cilit arrin 3.794 metra.
Por metali i çmuar është vetëm një nga shumë elementët që nxjerr Erebus, sipas Observatorit të NASA-s. Sipas agjencisë hapësinore të SHBA-së, vullkani “lëshon rregullisht shtëllunga gazi dhe avulli dhe herë pas here nxjerr gurë”. “Erebus ka shpërthyer vazhdimisht që nga viti 1972” tha Conor Bacon i Observatorit Lamont-Doherty për planetin tonë (një qendër kërkimore mbi ndryshimet klimatike, vullkanet dhe tërmetet) në Universitetin e Kolumbisë në New York.
Për më tepër, ai tha se vullkani dihet se përmban një “liqen llave” në një nga krateret, i përbërë nga materiale të shkrirë në nivelin e sipërfaqes.
“Këto janë elementë në të vërtetë mjaft të rralla, pasi kërkohen disa kushte shumë specifike për të siguruar që sipërfaqja të mos ngrijë kurrë”, shtoi ai.
Megjithatë, ka ende shumë të dhëna për t’u hulumtuar për aktivitetin vullkanik në kontinentin e ngrirë, por edhe për ato vullkane që mbeten të fjetura.
Izolimi gjeografik është pengesa kryesore për kërkime më të plota. Natyrisht, Erebos dhe Ishulli Deception kanë sizmometra të instaluar për të monitoruar vullkanet.
Megjithatë, mali Erebus është bërë më i njohur për një ngjarje tragjike që ndodhi më 28 nëntor 1979, kur Fluturimi 901 i Air New Zealand u rrëzua atje, duke vrarë 237 pasagjerë dhe 20 anëtarë të ekuipazhit (gjithsej 257 viktima).
