Sulme të shumta me raketa ATACMS, HIMARS, madje edhe kundër anijeve NEPTUN po nd;rmerren brenda territorit rus.
Dëme dhe viktima të konsiderueshme u shkaktuan nga forcat ukrainase në territorin rus, duke synuar si ushtarakët ashtu edhe civilët.
Forcat ukrainase hodhën raketa NEPTUN kundër terminalit të naftës në portin e Kavkazit dhe raketa ATACMS kundër një rezervuari nafte në qytetin Temrjuk, Rajoni i Krasnodarit.
Sulmet shkaktuan zjarre të mëdha dhe ka raportime për humbje të personelit dhe infrastrukturës.
Autoritetet ruse kanë konfirmuar se ka pasur viktima në mesin e punëtorëve të rezervuarëve të naftës.
Në të njëjtën kohë, raportet nga zonat e prekura flasin për një “një numër ekzaktësisht të panjohur, por të konsiderueshëm të viktimave dhe të plagosurve civilë”.
Forcat ukrainase shkatërruan gjithashtu një radar rus NEBO-SVU prej 100 milionë dollarësh të vendosur në Armjansk në Krime duke përdorur drone kamikaze dhe raketa GMLRS nga një sistem artilerie HIMARS.
Ky radar kishte një rreze veprimi prej 380 kilometrash dhe humbja e tij është një goditje për aftësitë paralajmëruese të hershme të Rusisë.
Forcat ukrainase konfirmuan se sulmet ishin pjesë e një operacioni më të gjerë për të shkatërruar mbështetjen dhe administrimin e forcave ruse në Krime.
Sipas burimeve të inteligjencës ukrainase (SBU), sulmet kishin në shënjestër edhe nënstacionet dhe rrjetet e energjisë në Krime.
