“Të presësh vdekjen është më e vështirë se vetë vdekja!”
Pavarësisht tensioneve midis ministrit izraelit të Mbrojtjes Yoav Galland dhe kryeministrit izraelit Benjamin Netanyahu, Izraeli po përgatitet për një përgjigje “të ashpër” nga Irani.
Burimet amerikane raportuan se iranianët shprehën shqetësime për shkatërrimin e programit të tyre bërthamor.
Kanë kaluar dy javë që nga vrasja e zyrtarit të lartë të Hezbollahut, Fuad Shukr, vetëm disa orë para se lideri i Hamasit, Ismail Haniyeh të vritej në Teheran, por hakmarrja e premtuar nga Irani dhe Hezbollahu nuk gjendet askund, nuk ka ende asnjë shenjë, përveçse një situate pezull.
Fushata e luftës psikologjike kundër Izraelit.
Një zyrtar iranian i tha Financial Times se vendi i tij kishte nisur një fushatë të luftës psikologjike kundër Izraelit.
Zyrtari iranian kishte thënë se mund të ketë një sulm ndaj Izraelit të hënën.
“Mund të mos ketë fare sulm, ose mund të ketë një sonte”, tha ai.
“Parashikimi i vdekjes është më i vështirë se vetë vdekja.”
Ndërsa shtoi se Irani ka nisur një fushatë të luftës psikologjike për të mbajtur në gatishmëri aftësitë ushtarake, të sigurisë dhe logjistike të Izraelit, duke i privuar banorët e territoreve të pushtuara nga çdo ndjenjë qetësie.
Koalicioni iranian është gati të luftojë Izraelin.
Analistët izraelitë presin që Irani të përgjigjet menjëherë nga toka e tij dhe koalicioni rajonal që kapi raketat iraniane në prill po përgatitet për një raund tjetër të dronëve dhe raketave iraniane dhe Hezbollah-ut, ndoshta në objekte të ndjeshme dhe strategjike.
Në çdo rast, zyrtarët izraelitë thonë se Korpusi i Gardës Revolucionare të Iranit dhe Hezbollah do të fokusohen në objektiva ushtarake.
Pavarësisht tensionit, kryeministri Benjamin Netaniahu nuk ka mbledhur kabinetin e sigurisë, apo nuk është konsultuar me ministrin e Mbrojtjes Yoav Gallad, me të cilin u përplas të hënën.
SHBA-të kanë rritur praninë e saj ushtarake në rajon me mbërritjen e afërt të aeroplanmbajtëses Lincoln, e cila do i bashkohet asaj Roosevelt, pranë Gjirit Persik.
Zyrtarët amerikanë thanë se mbeti e paqartë se edhe sa kohë do të ishin bashkë dy aeroplanmbajtëset, se në çdo rast Lincoln tani ishte në Detin e Kinës Jugore dhe do të mbërrinte në rajon për rreth dy javë.
Së fundi, zyrtarë libanezë pranë Hezbollah thanë kohët e fundit se Irani ka shprehur shqetësime për një përgjigje të ashpër që do të nxiste Izraelin dhe SHBA-të, për të sulmuar objektet e tij bërthamore, si një justifikim për të neutralizuar pengesën bërthamore të Iranit.
Në këtë pasiguri totale të Iranit, për momentin superior në rajon mbetet Izraeli.
