Këto janë termat kyçe dhe çfarë ofron.
“Nuk e refuzojmë paraprakisht”, thotë Moska.
Detajet e planit të paqes të hartuar nga O. Soltz për t’i dhënë fund luftës në Ukrainë po rrjedhin nga kancelaria gjermane.
Një plan që duket se përfshin garanci për Moskën dhe dhënien me konçesion të territoreve të Ukrainës, Rusisë.
Në draft përmendet edhe lirimi i fondeve ruse të sekuestruara dhe kthimi edhe i interesit, në total rreth 400 miliardë euro.
Lidhur me këto zona, ofrojnë njohjen e Krimesë, kthimin në kufijtë e shkurtit 2023, para sulmit rus dhe krijimin e një zone të demilitarizuar në zonat e pushtuara nga Rusia, me tërheqjen e njëkohshme të trupave ukrainase dhe ruse.
Gjithashtu demilitarizimi i Ukrainës, por edhe tërheqja e trupave ruse nga vija kufitare.
“Ngrirje” e anëtarësimit të Ukrainës në NATO, por anëtarësimi në BE.
***
Pas dy rezultateve të dhimbshme të zgjedhjeve, në zgjedhjet europiane dhe në Gjermaninë Lindore, në një përplasje me forcat e djathta dhe pro ruse, të majta dhe të djathta, dhe me sfond zhytjen ekonomike në të cilën thellohet Gjermania (madje edhe ajo dikur e fortë, industri e prodhuesit gjerman të makinave po mbyllin fabrikat brenda vendit, për herë të parë që nga Lufta e Dytë Botërore), Solz thuhet se po luan “kartën e tij të fundit”.
Në fakt, Olaf Solz, duke dërguar një pararojë të synimeve të tij, ngriti publikisht, për herë të parë pas shumë kohësh, çështjen e kthimit të dy palëve në tryezën e bisedimeve të paqes.
“Unë mendoj se tani është koha për të diskutuar sesi të arrihet paqja duke i dhënë fund luftës, me një ritëm më të shpejtë”, tha ai për televizionin ZDF.
Ky është një ndryshim thelbësor i linjës, pasi deri më tani Olaf Solz kishte mbrojtur mbështetjen e pandërprerë ushtarake për Kievin.
Tani ai jo vetëm që fton Moskën në tryezën e bisedimeve, por edhe përgatit një plan paqeje.
Gazeta italiane La Repubblica, duke cituar burime autoritative parlamentare nga Partia Socialdemokrate (SPD), raporton se Olaf Solz, në bashkëpunim me disa besnikë si Rolf Muetzenich dhe Ralf Stegner, po përgatit një “Minsk 3”, një plan paqeje i cili ndër të tjera parashikon “dhënien me koncesion të territoreve të territorit ukrainas Moskës”.
Ka presion për një plan paqeje nga Kristian Demokratët gjermanë CDU.
Në thelb e gjithë Gjermania e kupton që po marshon me tezën e paqes, pasi lufta i ka kushtuar shumë tani më Gjermanisë dhe nuk ka fituar asgjë.
I pyetur për planin e paqes të kancelarit gjerman, zëdhënësi i Kremlinit Dmitri Peskov pohoi se Moska e kishte mësuar këtë vetëm nga mediat, duke theksuar se Rusia nuk refuzon paraprakisht asnjë propozim për zgjidhjen e krizës me mjete diplomatike.
“Ne nuk refuzojmë asnjë plan paraprakisht. Por duhet të kuptojmë se për çfarë po flasinm”, tha ai dhe vuri në dukje se pala ruse ende nuk ka vërtetuar nëse ekzistojnë kushte reale për zgjidhjen e konfliktit në Ukrainë, me mjete paqësore.
