Trump gjithashtu po shqyrton zhvendosjen e selisë së Agjencisë për Mbrojtjen e Mjedisit (EPA) nga Uashingtoni.
Stafi i tranzicionit i Presidentit të zgjedhur të SHBA-së, Donald Trump, ka përgatitur urdhra ekzekutivë dhe shpallje për tërheqjen e Shteteve të Bashkuara nga marrëveshja e Parisit për klimën, si dhe për të menaxhuar disa monumente kombëtare për të lejuar shpime në disa miniera.
Trump në programin parazgjedhor kishte zbuluar që në fillim se nuk do të ndjekë politikat e bazuara në narrativën e ndryshimeve klimatike.
Trump pritet gjithashtu t’i japë fund pezullimit të liçencimit të terminaleve të reja të eksportit të gazit natyror dhe të revokojë masën që lejon Kaliforninë dhe shtetet e tjera të miratojnë standarde më të rrepta të ndotjes, siç raportohet nga gazeta e njohur amerikane New York Times.
Disa anëtarë të stafit po konsiderojnë gjithashtu zhvendosjen e selisë së Agjencisë për Mbrojtjen e Mjedisit (EPA) nga Uashingtoni, sipas New York Times, duke cituar burime të mirëinformuara.
Presidenti i ri amerikan (si mijëra shkencëtarë të tjerë në mbarë botën, të cilët janë heshtur me zell nga sistemi ndërkombëtar) beson se nuk ka ndryshim klimatik të shkaktuar nga aktiviteti njerëzor.
Çdo ndryshim klimatik ndodh sepse klima e Tokës nuk ka qenë kurrë e qëndrueshme gjatë gjithë historisë së saj.
