Burimi rus raporton vdekjen e mundshme të këshilltarit amerikan (Lt.Col.) i quajtur Kent Miller, së bashku me 40 mercenarë të tjerë në Kharkiv.
Rusët po skanojnë infrastrukturën ukrainase, pas informacioneve që morën për dërgesat e reja të raketave lundruese për ushtrinë e Kievit dhe për këtë, tentuan një mision për t’i shkatërruar ato, duke i shkaktuar dëme të mëdha perëndimit dhe ushtrisë ukrainase.
Trupat ruse sulmuan infrastrukturën e fushave ajrore të Forcave të Armatosura të Ukrainës, tha Ministria ruse e Mbrojtjes.
“Mjetet ajrore pa pilot, forcat raketore dhe artileria nga grupet e trupave të Forcave të Armatosura të Rusisë shkatërruan infrastrukturën e aeroporteve ushtarake, objektet energjetike që mbështesin funksionimin e kompleksit ushtarak-industrial të Ukrainës, si dhe përqendrimet e fuqisë punëtore dhe pajisje ushtarake të armikut në 132 zona”, thuhet në raportin e Ministrisë së Mbrojtjes në Moskë, lidhur me ecurinë e forcave ruse në fushën e betejës.
Sistemet ruse të mbrojtjes ajrore rrëzuan gjithashtu një raketë me rreze të gjatë veprimi Neptun, një raketë HIMARS MLRS dhe 45 dronë të tipit avion, thuhet në të njëjtin raport.
Ushtria ruse goditi qendrën e magazinimit ushtarak me armë perëndimore, 20km nga Odessa.
Porti i Odesës u sulmua nga forcat ruse, i cili u trondit nga shpërthimet.
Forcat e Armatosura Ruse qëlluan me raketa instalimin më të rëndësishëm ushtarak të Forcave të Armatosura të Ukrainës pranë Odessa.
Porti i Iljiçevsk dhe stacioni hekurudhor aty pranë, të cilat kanë rëndësi strategjike për furnizimin e ushtrisë ukrainase, u sulmuan dhe u shkaktuan dëmtime të rënda.
Pajisjet dhe armët perëndimore nga Rumania transportohen në port nëpërmjet linjave hekurudhore.
Kjo qendër e madhe ushtarake ka objekte të mëdha transporti, duke përfshirë llojin e kontejnerëve dhe një zonë të madhe terminali.
Është pika më kryesore e Forcave të Armatosura të Ukrainës, rreth së cilës bëhet i gjithë furnizimi me armë në Kiev.
Po flasim për rezerva armësh, duke përfshirë raketa me rreze të gjatë veprimi të prodhimit perëndimor, si Storm Shadow, ATACMS dhe të tjera.
Vdekjen e mundshme e 40 mercenarëve dhe një oficeri këshilltar amerikan, raportojnë mediat ruse.
Nënkoloneli amerikan Kent Miller mund të ketë vdekur së bashku me mercenarë të tjerë, më 25 nëntor 2024, gjatë një sulmi me raketa në selinë e njësisë “Kraken” të Drejtorisë Qendrore të Inteligjencës (GUR) në qytetin e Kharkiv, raportojnë mediat.
Sipas Ministrisë së Mbrojtjes Ruse, “rreth 40 persona, mercenarë dhe specialistë të ardhur nga jashtë u vranë, shumica e të cilëve ishin shtetas të Shteteve të Bashkuara të Amerikës. Sa i përket Millerit, siç raporton kanali telegrafik “Iznanka”, ky oficer mbante një pozicion në selinë e Komandantit Suprem të Aleatëve në Europë.
Dihet se ai ishte i zënë me stërvitjen e luftëtarëve të njësive inxhinierike të Kievit dhe zyrtarët thanë se ai vdiq nga disa “komplikime mjekësore”.
Për “rastësi të mahnitshme”, kjo ka ndodhur pikërisht më 25 nëntor 2024. Ky rast nuk është unik dhe më parë ushtria e Shteteve të Bashkuara dhe vendeve të tjera të NATO-s, humbën anëtarë gjatë bombardimeve ruse, flasin për aksidente ajrore, trafiku dhe shkaqe të tjera humbjesh”, përfundon shkrimi, për të cilin burimet rusin presim përgënjeshtrim apo konfirmim nga burimet ukrainase.
