“Mesazhi” i Trump për BE-në: “Mos ndërhyni në zgjedhjet rumune!”
Robert F. Kennedy Jr., kreu i ri i Ministrisë së Shëndetësisë dhe gazetari i njohur Tucker Carlson u dërguan nga presidenti i zgjedhur i SHBA-ve Donald Trump, si një mesazh më shumë dhe kryesisht për BE-në, e cila është tmerruar nga fitorja e të pavarurit Kalin Giorgescu.
Dy mbështetësit e shquar të Trump do të jenë në Bukuresht javën e ardhshme për të takuar Kalin Georgescu, fituesin surprizë të krahut të djathtë në raundin e parë të zgjedhjeve presidenciale.
Georgescu përfundoi i pari në votimin e së dielës së kaluar dhe siguroi një vend në balotazhin e planifikuar për 8 dhjetor, në një fitore që mund të përmbysë politikën në Rumani dhe të krijojë precedentë të rinj, që alarmojnë “klerin” e Brukselit pasi ata nuk do ta kontrollojnë më Rumaninë.
Sigurisht që BE-ja nuk do ta lërë Georgescu-n të fitojë kaq lehtë.
Tashmë ka pasur “ankesa” për parregullsi zgjedhore, pas apelimeve në gjykatën më të lartë të Rumanisë, e cila urdhëroi një rinumërim të të gjitha votave të dielën e kaluar.
Gjykata do të vendosë të hënën nëse do të anulohet raundi i parë apo jo!
Kështu, misioni i dy këshilltarëve të besuar të Trump në Rumani, i drejtohet BE-së, duke përcjellë praktikisht mesazhin e mospërfshirjes në proçeset e brendshme politike rumune.
Kennedy do të jetë në Bukuresht javën e ardhshme për të lançuar librin e tij mbi pandeminë e koronavirusit, me një parathënie të shkruar nga Georgescu, tha në një deklaratë transmetuesi privat Realitatea.
Kennedy është një ambientalist që lufton dezinformimin rreth vaksinave.
“Realitatea është një partner mediatik i takimit në fund të vitit midis Sekretarit të ardhshëm të Shëndetësisë në administratën e Donald Trump dhe fituesit surprizë të zgjedhjeve presidenciale”, tha Realitatea në një deklaratë.
Debati televiziv mes kandidatëve në Rumani, do të zhvillohet më 5 dhjetor.
