“Ai do të bazohet në përvojën e tij” pasi shërbeu si “kryetar i Komisionit të Zbulimit të Dhomës së Përfaqësuesve”.
CEO i Truth Social, Devin Nunes, u emërua nga Donald Trump të shtunën (14/12) si kreu i ardhshëm i organit këshillues të inteligjencës së presidencës.
“Devin do të bazohet në përvojën e tij”, pasi ka shërbyer si “kryetar i Komisionit të Zbulimit të Dhomës së Përfaqësuesve” dhe ka luajtur një “rol kyç në zbulimin e mashtrimit të Rusisë”, për të “më dhënë vlerësime të pavarura të efektivitetit dhe besueshmërisë të aktiviteteve të shërbimeve të inteligjencës amerikane”, tha Trump përmes platformës Truth Social.
Devin Nunes ishte për disa vite anëtar i Kongresit Amerikan (2003-2022) dhe kryetar i komitetit të inteligjencës së dhomës së ulët gjatë mandatit të parë të Trump në presidencë (2017-2021).
Ish kongresmeni republikan kishte akuzuar FBI-në për shpërdorim të pushtetit të saj për të spiunuar një anëtar të ekipit që drejtonte fushatën zgjedhore të Donald Trump dhe kishte kontakte me Rusinë, si pjesë e hetimit për ndërhyrjen ruse, në zgjedhjet presidenciale të 2016-ës, në SHBA.
Trump sqaroi se Devin Nunes do të mbetet CEO i Truth Social ndërsa do të drejtojë trupin këshillues të Shtëpisë së Bardhë.
Bordi Këshillimor i Presidentit për Inteligjencën (PIAB) është i mandatuar për t’i dhënë kreut të shtetit amerikan, vlerësime të pavarura të punës së agjencive të inteligjencës.
Emërimi u shpall dy javë pasi Trump, i cili do të betohet dhe do të marrë detyrën më 20 janar 2025, ka emëruar një tjetër besnik, Kass Patel, si drejtorin e ardhshëm të FBI-së. Ai do të zëvendësojë drejtorin aktual të policisë federale, Christopher Wray.
