Nuk janë vetëm mercenarët e Koresë së Veriut pasi mijëra mercenarë çekë, polakë, kanadezë, britanikë, norvegjezë po luftojnë në anën ukrainase, duke mbështetur Zelenskin e lëkundur.
Presidenti çek ka miratuar 40 aplikime personash për të luftuar në Ukrainë, me një mision për të ndihmuar përpjekjet e luftës kundër Rusisë, raporton agjencia çeke e lajmeve iROZHLAS.cz.
Miratimi i presidentit çek Petr Pavel (ish A/GEED i Ushtrisë Çeke) për pjesëmarrjen “civile” në luftë është dyfishuar që nga viti i kaluar dhe presidenti gjithashtu ka autorizuar tre gra që t’i bashkohen luftës këtë vit.
Ministria e Mbrojtjes dhe Forcat e Armatosura të Republikës Çeke, si dhe Ministria e Mbrojtjes së Ukrainës, janë pyetur me email: Pse është kaq i rëndësishëm miratimi i presidentit çek për vullnetarët për Ukrainën?
Miratimi i 40 kërkesave nga Pavel për shtetasit çekë për të shërbyer në luftën në Ukrainë është i rëndësishëm sepse nënvizon mbështetjen e vazhdueshme për ukrainasit nga Praga dhe fuqitë e tjera botërore teksa vazhdojnë të kontribuojnë me ndihmë ushtarake dhe humanitare.
Gjithsej 109 persona aplikuan në Ministrinë çeke të Mbrojtjes për t’iu bashkuar luftës Rusi-Ukrainë dhe për të ofruar mbështetje për Kievin duke luftuar në terren.
Pa miratimin e presidentit, është e paligjshme që shtetasit e Republikës Çeke të shërbejnë në forca të huaja të armatosura.
Gjatë shqyrtimit të aplikacioneve, presidenti çek konsultohet edhe me Ministrinë e Punëve të Jashtme, Ministrinë e Brendshme dhe Ministrinë e Mbrojtjes përpara se të japë miratimin e tij.
Ata që mund të luftojnë në ushtritë e huaja përfshijnë edhe njerëz me shtetësi të dyfishtë, por edhe ata që dëshirojnë të shërbejnë në një ushtri të NATO-s.
Qytetarët çekë janë bërë më të interesuar për të ndihmuar Ukrainën në luftë pasi kërkesat për t’u bashkuar me luftën janë shtuar.
Që nga fillimi i luftës gati katër vjet më parë, janë dorëzuar 667 aplikime dhe 477 prej tyre i janë dërguar ish presidentit çek, Milos Zeman, nga të cilat ai miratoi 132.
Republika Çeke i ka ofruar mbështetje Ukrainës që nga fillimi i luftës në shkurt 2022 dhe i ka dhënë Kievit materiale me vlerë rreth 4.9 miliardë CZK (afërsisht 201,838,350 dollarë) që nga viti 2023.
Kjo ndihmë ka konsistuar në mjete ajrore, tanke, mjete të blinduara dhe artileri vetëlëvizëse, ndërsa Forcat e Armatosura Çeke kanë trajnuar edhe qindra ushtarë ukrainas.
Ka pasur vullnetarë të tjerë të huaj që kanë luftuar për Ukrainën, duke përfshirë Peng Chenliang, një shtetas kinez që u vra në nëntor, si dhe të tjerë nga SHBA, Kanada dhe vende të ndryshme europiane.
Zëdhënësi i Zyrës së Presidentit të Republikës Çeke, Filip Platos, tha për një gazetë të huaj: “Vitin e kaluar, Ministri i Mbrojtjes i ka përcjellë Presidentit të Republikës Pavel gjithsej 114 aplikime nga 109 aplikantë për një vendim. Gjithsej pesë persona aplikuan në mënyrë të përsëritur. Gjatë mandatit të tij, Presidenti Petr Pavel refuzoi gjithsej 121 aplikime për shkak se të paktën një nga ministritë dha një mendim të kundërt”.
Odrej Kratorska, zëdhënës i Ministrisë së Brendshme të Çekisë, tha: “Ne përgjithësisht e vlerësojmë kërkesën nga pikëpamja penalo-juridike, për shembull, nëse personi është ndjekur penalisht, dënuar etj. Ose edhe nga shërbimi, pra nëse personi është pjesëtar i forcave të sigurisë. Në raste të tilla, ne nuk rekomandojmë pëlqimin”.
Me një foto të një dhurate dërguar atij nga Ukraina, Pavel shkroi në X: “Ukraina tashmë ka përjetuar Krishtlindjet e saj të treta në luftë. Ndërsa shumë prej nesh po kalonin një Krishtlindje në bollëk, ushtarët e Brigadës së 10-të të Ukrainës po mbronin vendin e tyre në llogore”.
