America is Back!

Kemi bërë në këto 6 javë më shumë sesa kanë bërë qeveri në të shkuarën, në 4 apo 8 vite administrimi.

Do u sjellim amerikanëve të ardhmen që meritojnë.

Në një fjalim nga më potentët e historisë së Shteteve të Bashkuara të Amerikës, presidenti Trump, si pika kryesore, iu referua çështjeve si më poshtë:

*Po bëjmë kontrollin më të rreptë të kufijve dhe po shënojmë fluksin më të ulët të prurjeve të ilegalëve dhe fluksin më të madh të deportimeve të imigrantëve ilegalë;

*Kam firmosur 100 Urdhëra Ekzekutivë dhe më shumë se 400 vendime ekzekutimi;

*Shpallëm gjendjen e emergjencës energjitike dhe mbani mend sloganin që do të na ribëjë superfuqi në energji “drill baby drill”;

*Krijuam strukturën DOGE të drejtuar nga Elon Musk, besoj se keni dëgjuar për të;

*Nxorëm Amerikën nga OBSh, një organizatë ndërkombëtare e korruptuar;

*Nxorëm Amerikën nga Këshilli i të Drejtave të Njeriut në OKB;

*Punonjësit e administratës do të jenë në zyrë, ose do të pushohen nga puna, teksa shumica duket të jenë inekzistentë;

*Instalojmë sistemin anti-woke, shkollat që nuk ndjekin linjën anti-woke dhe nuk zbatojnë trajtimin e studentëve në dy gjini, nuk do të marrin më fonde federale;

*Ndal çensurës, fjala e lirë kthehet sërish;

*Gjuha zyrtare është vetëm gjuha angleze;

*Gjiri i Meksikës quhet tashmë Gjiri i Amerikës;

*Nuk ka më politika diversiteti, barazie dhe involvimi, përzgjedhja bëhet në bazë të meritës;

*Zyrtarisht kemi vetëm dy gjini, mashkull dhe femër;

*Nuk mund të garojnë më meshkuj, në skuadra femrash;

*Ta bëjmë Amerikën të përballueshme sërish, të përmirësojmë ekonominë, të ulim çmimet dhe të ulim inflacionin më të lartë të Amerikës që trashëguan nga Biden;

*Fillimi i funksionimit të termocentrale në kuadër të emergjencës energjitike;

*Po punojmë për shfrytëzimin e burimeve të gazit në Alaskë;

*Zbulimin dhe shfrytëzimin e mineraleve të rralla që kemi në ShBA;

*Po punojmë për taksën e sheshtë dhe uljen e taksave për amerikanët;

*Paratë e vjedhura do u kthehen xhepave të amerikanëve;

*Do të balancojmë buxhetin federal, diçka që nuk është bërë në 24 vitet e fundit;

*Kush investon në Amerikë 5 milionë dhe lart merr automatikisht nënshtetësinë dhe shkarkohet nga taksat;

*Paratë që jepeshin për mirëmbajtjen e ilegalëve nuk do të jepen më dhe me to do të ulim borxhin publik;

*Abuzimet me fondet që kalonin në mbi 9 milionë njerëz të moshës 100 vjeç, marrin fund, një shumë e madhe, ende e pakalkuluar saktësisht i kthehet sektorit të ndihmës sociale, sigurimeve shoqërore dhe sektorit të shëndetësisë;

*Do të shkarkojmë burokracinë dhe do të instalojmë demokracinë në administratën amerikane dhe nëse ndonjë burokrat federal kundërshton, do të pushohet nga puna;

*Ditët e burokracisë në Amerikë marrin fund;

*Shkurtim i taksave menjëherë dhe një thirrje Demokratëve ta votojnë ligjin që do të vijë në kongres, si pjesë e programit tonë ekonomik;

*Asnjë taksë për ata me asistencë sociale;

*Heqje e taksës së bakshishit;

*Qarkullojmë me makina të prodhuara vetëm në Amerikë; Shumë fabrika prodhimi makinash do të fillojnë funksionimin e tyre duke startuar nga Indiana;

*Ulje të taksave në sektorin e prodhimit;

*Nëse nuk prodhon në Amerikë, do të paguash tarifë të lartë për të futur produktet në Amerikë, ashtu siç na tarifojnë ne, shtetet e tjera për produktet amerikane në tregun global;

*Më 2 prill hyn në fuqi ligji për tarifat ndaj vendeve të tjera. Për atë që shtetet e tjera na tarifojnë, do të tarifohen;

*Paguajmë miliarda tek Meksika dhe Kanadaja për ilegalët, nuk do të paguhen më;

*Do të investohen 200 miliardë për teknologjitë Open AI, që do të kenë qendër në Amerikë dhe jo në Kinë, ku do të prodhohen çip-at dhe gjithçka tjetër, brenda Amerikës, me çmime konkuruese; Asnjë fond nuk do të jepet jashtë, përkundrazi edhe investitorë të huaj do të vijnë nga jashtë, sepse ne po u heqim taksën;

*Politika speciale për fermerët amerikanë që do të bëhen të pakonkurueshëm. Do të subvencionohen të gjithë fermerët që të ulim kështu importet e prodhimit bujqësor;

*Hapjen e vendeve të reja të punës, mes shtimit të prodhimit dhe uljes së taksave;

*Melania Trump do të fokusohet në kualifikimin e punëtorëve të margjinalizuar në Amerikë dhe jo vetëm, por edhe në fushën e edukimit në përgjithësi;

*Sigurimi absolut i kufijve për të shmangur futjen e kriminelëve, trafikantëve dhe keqbërësve, mes një politike të kufijve të mbyllur ndaj personave problematikë;

*Duhet të sigurojmë çlirimin e plotë të Amerikës nga vartësitë;

*Luftë karteleve dhe organizatave të trafikimit të substancave narkotike, duke i kalisfikuar ato, si të jenë vetë ISIS, si kërcënim real për Amerikën. Kemi në Amerikë 29 krerët e 29 karteleve më të mëdha të drogërave, që kanë hyrë nga Meksika dhe Kanadaja. Kjo do të marrë fund duke sjellë ligjin dhe rregullin në qytete dhe provinca;

*Fund lunatikëve majtistë, radikalë mes sjelljeve të tyre ekstreme ndaj shtetit dhe amerikanëve;

*Do u kthejmë policëve mbrojtjen, respektin, dinjitetin dhe autoritetin e nevojshëm. Kush vret një polic, vritet, ky është ligji më i ri;

*Kujdes maksimal me vaksinat e foshnjave dhe fëmijëve dhe shqyrtim i menjëhershëm i sistemit të vaksinimit dhe vetë vaksinave, që po “vrasin”. Vlen të përmendet që para 30 vitesh, 1 në 1 mijë fëmijë ishte autik, sot, 1 në 36 fëmijë është autik. R. Kennedy duhet t’i japë zgjidhje teksa shkaku është vaksina;

*Ndalohet promovimi i ideologjive transgjinore në shkolla dhe institucione arsimore;

*Ndalimi i ndryshimit të seksit mes kirurgjive, tek të miturit;

*Do të ndërtojmë ushtrinë më potente në botë me gjithçka të prodhuar në Amerikë, ndaj dhe shtojmë fondin për armatimin dhe ushtrinë, mes aplikimit të teknologjive të përparuara;

*Subvencione për prodhimin e anijeve dhe kthimin e kësaj industrie në Amerikë. Anije tregtare dhe anije ushtarake do të prodhohen në Amerikë;

*Kanali i Panamasë do i përkasë për nga funksioni, Amerikës plotësisht;

*Mesazh për popullin e Grenlandës të mendohet dhe t’i bashkohet Amerikës. Sidoqoftë Grenlandën do e kemi, një copë e rëndësishme në planet që do të jetë edhe pjesë e shtimit të sigurisë së Amerikës, veç të tjerash;

*Vëmendje e veçantë lidhur me terrorizmin dhe përballjen me të;

*Kemi për Gazën një nga marrëveshjet më të rëndësishme dhe rindërtimi do të fillojë shpejt;

*Po japim betejën tonë për ndalimin e luftës në Ukrainë. Amerika ka paguar miliarda, pa asnjë garanci 350 miliardë dollarë janë dhënë, ndërsa europianët kanë dhënë 100 miliardë. Na ndan një oqean me Europën;

*Zelenski kërkon mes një letre, dërguar pasditen e djeshme presidentit Trump dhe i bën thirrje që të punojnë për paqen, duke thënë se Ukraina vlerëson ndihmën e dhënë nga Amerika. Zelenski deklaron se është gati të firmosë marrëveshjen për mineralet e rralla, si dhe shfaq vullnetin për t’i dhënë fund luftës;

*Lindja e Mesme është një rajon i çuditshëm dhe me problematika ku duhet të gjenden zgjidhje, me fokus eliminimin e Hamas dhe terrorizmit radikal;

Fundi i fjalimit të Presidentit Trump ishte një epilog potent, dinamik, frymëzues me mesazhin se Amerika është superfuqi dhe promotere në gjithçka, është qytetërimi i epokës sonë, është vendi i mundësive dhe i gjithçkaje.

“Bëhuni gati për një të ardhme të shkëlqyer, Amerika ka për të jetuar periudhën e saj të artë”, me këto fjalë Trump zgjodhi të mbyllë fjalën e tij.