Udhëheqësi çeçen Ramzan Kadirov konfirmoi incidentin, ndërsa Ukraina nuk ka komentuar për sulmin.
Udhëheqësi çeçen Ramzan Kadirov tha sot se një dron ukrainas goditi Groznin, kryeqytetin e Çeçenisë në Rusinë jugore. Sulmi dëmtoi një kullë, por nuk pati viktima civile.
Sipas një raporti nga Vesti, kompleksi Grozny-City, i cili përfshin disa ndërtesa të larta, “ndoshta u godit nga dronë ukrainas”. Media publikoi një video të një kulle xhami 145 metra të lartë, me dritare të thyera në disa kate dhe tym të zi që dilte nga kulla.
Ukrainian drone strike hit a high-rise in the Grozny-City complex—one of the deepest hits inside Russia, ~1,500 km from the front.
— Clash Report (@clashreport) December 5, 2025
The blast ignited several upper floors of a tower housing key Chechen government offices. pic.twitter.com/dv3IS3Ycki
Autoriteti i Aviacionit Civil Rus njoftoi nëpërmjet Telegramit se kishte vendosur kufizime në nisjet dhe mbërritjet në aeroportin e Groznit për rreth tre orë për të garantuar sigurinë e fluturimeve, siç është e natyrshme të ndodhë në rastet e sulmeve me dronë.
Ukraina nuk ka komentuar për incidentin dhe as nuk ka marrë përgjegjësi për ndonjë sulm në Çeçeni.
