Pse Europa nuk është më një “spektator”, por objektivi i radhës?
Aty ku mbaron atmosfera e Tokës dhe fillon errësira e madhe e hapësirës, sot u shkrua kapitulli më i tmerrshëm në gjeopolitikën moderne. Zbulimi se Teherani shënjestroi ishullin Diego Garcia në Oqeanin Indian nuk ishte vetëm një veprim ushtarak; ishte “funerali” i iluzionit se kërcënimi iranian është i kufizuar në Lindjen e Mesme.
Rënia e maskave: Një sekret vitesh!
Deri dje, bota besonte se shigjetat iraniane ndaleshin në 2,000 kilometra. Por realiteti i goditi europianët si një rrufe, kurrsesi jo amerikanët. Lëshimi i dy raketave drejt një objektivi kaq të largët zbuloi një program të errët dhe sekret që Teherani kishte ndërtuar me durim pas maskës së “eksplorimit paqësor të hapësirës”.
Siç shpjegon Gjenerali i Brigadës Ran Kohav, raketat me dy dhe tre faza, të cilat supozohej të mbanin satelitë, janë në fakt “prindërit” e armëve balistike ndërkontinentale.
Arrow kundër Qaem: Një Duel në Boshllëk!
Lajmi se Izraeli ka neutralizuar një raketë iraniane jashtë atmosferës së Tokës është frymëzues. Për të arritur këtë rrëzim, u përdor sistemi i shtrenjtë i teknologjisë së fundit Arrow, i vetmi i aftë të godasë objektiva që udhëtojnë në një lartësi prej qindra kilometrash. Ky fakt konfirmon frikën e amerikanëve dhe izraelitëve që filluan luftën: Raketat e Iranit tani kanë fuqinë për të mbuluar orbita të mëdha, duke e shndërruar planetin në një lagje të vogël.
Teknologjia e shkatërrimit!
Si e bënë këtë? Ekspertët flasin për raketa sovjetike R 27 të modifikuara, armë që dikur i përndiqnin nëndetëset e Luftës së Ftohtë. Teherani, duke përdorur njohuri që të kujtojnë Korenë e Veriut, ka arritur të lehtësojë kokat bërthamore dhe të rrisë rrezen e veprimit me 1,000 kilometra shtesë. Qoftë Qaem-100 apo një variant i Khorramshahr-4, rezultati është i njëjtë: një makinë vrasëse që mund të transportojë ngarkesa konvencionale, si dhe bërthamore, në distanca që askush nuk i imagjinonte në Europë.
Europa: “Poligoni i ri i qitjes”!
Deklaratat e Kohav tingëllojnë si një kambanë e trishtueshme për Kontinentin e Vjetër. Londër, Paris, Berlin, kuk ka kryeqytet europian që është më i sigurtë. “Kufizimi gjeografik” i kërcënimit ka vdekur sot. Europa duhet të zgjohet dhe ta shohë rrezikun në sy, një rrezik që nuk vjen nga kufijtë e saj, por nga qielli.
“Pse”-ja e madhe e shërbimeve të inteligjencës!
Një pyetje ngrihet mbi Jerusalemin dhe Uashingtonin: Si mund të ketë mbetur i fshehur ky “përbindësh” për tre javët e fundit? Pavarësisht faktit se inteligjenca izraelite kishte goditur bazat e montimit të satelitëve (siç është Chamran 1), Irani arriti të bënte lëvizjen e tij.
Një pyetje që mbetet pa përgjigje, vazhdon Jerusalem Post, është sesi Izraeli nuk arriti të zbulonte këtë raketë me rreze të gjatë veprimi veçanërisht kërcënuese për tre javë.
Këtu lexohet në prapaskenë Rusia. Çështje që shumë shpejt do të zbardhet.
Lufta është transferuar në hapësirë dhe kryeqytetet e Evropës tani janë “të zhveshura” përballë një teknologjie që nuk njeh kufij.
Ja pra, pse po bëhet lufta dhe më në fund njerëzit shpresojnë që të zgjohet udhëherja e Europës majtiste, globaliste, regresiste, udhëheqja më e keqe e 80 viteve të fundit.
