Donald Trump ktheu sulmin e tij ndaj NATO-s ndërsa festoi rihapjen e Ngushticës së Hormuzit, duke e quajtur aleancën “të padobishme”.
“Tani që situata e Ngushticës së Hormuzit ka mbaruar, mora një telefonatë nga NATO duke më pyetur nëse do të na duhej ndihmë”, shkroi Trump në Truth Social.
Ai tha se u përgjigj se NATO “e padobishme” duhet “të qëndrojë larg” sepse ata thjesht “duan të ngarkojnë anijet e tyre me naftë”.
Retorika e Trump në ditët e fundit, veçanërisht zemërimi i tij për refuzimin e NATO-s për të mbështetur bllokadën e tij të rrugës jetësore të naftës, ka nxitur mendime se ai mund të ndërmarrë hapa për të tërhequr SHBA-të nga aleanca mbrojtëse.
Të premten, regjimi iranian e shpalli Ngushticën “plotësisht të hapur”.
Presidenti më vonë shtoi se bllokada detare amerikane e Ngushticës “do të mbetet në fuqi të plotë” derisa Irani të arrijë një marrëveshje për t’i dhënë fund luftës.
“Ngushtica e Hormuzit është plotësisht e hapur dhe gati për biznes dhe kalim të plotë, por bllokada detare do të mbetet në fuqi dhe efekt të plotë përsa i përket Iranit, vetëm deri në kohën kur transaksioni ynë me Iranin të jetë 100 përqind i plotë”, shkroi Trump.
“Ky proces duhet të kalojë shumë shpejt, pasi shumica e pikave janë negociuar tashmë”, përfundoi ai.
