Ambasadori thirret në Ministrinë e Jashtme mes tensioneve në rritje.
Rasti i fyerjeve të bëra në televizionin rus kundër kryeministres italiane Giorgia Meloni po zhvillohet në një incident të fortë diplomatik, me Romën që reagon menjëherë dhe në mënyrë strikte ndaj Moskës.
Ministri i Jashtëm italian, Antonio Tajani, urdhëroi që ambasadori rus, Alexei Paramonov, të thirret në ministri për të dhënë shpjegime për deklaratat e bëra nga prezantuesi televiziv Vladimir Solovyov. Përmes postimit të tij, Tajani theksoi se këto janë shprehje të papranueshme dhe seriozisht fyese, ndërsa shprehu mbështetjen e tij të plotë për kryeministrrn italiane.
Në fragmentin kontravers, Solovyov përdori gjuhë veçanërisht të ashpër dhe abuzive, duke bërë sulme personale kundër Melonit, ndërsa vazhdoi me karakterizime edhe më të ashpra në rusisht, duke e akuzuar atë se ka tradhtuar si votuesit e saj, ashtu edhe Donald Trump-in.
Ky tension vjen në një kohë kur qeveria e Melonit, me një orientim të qartë djathtas, e ka mbështetur në mënyrë aktive Ukrainën si ushtarakisht, ashtu edhe politikisht pas pushtimit rus. Megjithatë, ka edhe zëra brenda qeverisë, siç është partia e Salvinit, që tradicionalisht mbajnë marrëdhënie më të ngushta me Kremlinin.
Në të njëjtën kohë, Meloni kohët e fundit duket se është distancuar nga ish aleati i saj Donald Trump, duke shprehur mospajtime me qëndrimin e tij mbi çështjet ndërkombëtare, siç është kriza me Iranin, e cila i shton dimensione të reja peizazhit gjeopolitik tashmë kompleks.
