Operacion i koordinuar austriako-shqiptar me Europolin dhe Eurojustin!
Humbje mbi 50 milionë euro!
Një rrjet kriminal ndërkombëtar i përfshirë në mashtrime në shkallë të gjerë me investime është shkatërruar pas një operacioni të koordinuar nga autoritetet e Austrisë dhe Shqipërisë, me mbështetjen e Europolit dhe Eurojustit.
Hetimi shumëvjeçar, i cili zgjati më shumë se dy vjet, çoi në arrestimin e dhjetë personave dhe bastisje të gjera në qendra telefonike dhe shtëpi, me autoritetet që sekuestruan pothuajse 900,000 euro në para të gatshme, si dhe qindra pajisje elektronike.
Sipas hetimit, skema vepronte përmes qendrave të organizuara të thirrjeve në Tiranë, të cilat shfaqeshin si biznese legjitime me një hierarki dhe ndarje të rreptë rolesh. Vlerësohet se dëmi total financiar i shkaktuar tejkalon 50 milionë euro.
Viktimat u kontaktuan kryesisht përmes reklamave online dhe platformave të rreme të investimeve, me premtime për kthime të larta. Më pas, “agjentët e investimeve” morën përsipër komunikimin, duke i bindur viktimat të depozitonin para dhe madje duke fituar akses në distancë në pajisjet e tyre.
Organizata kriminale kishte një strukturë të madhe korporative, me ekipe që punonin në gjuhë të ndryshme, anglisht, iralisht, fërngjisht, përfshirë greqishten, duke synuar viktimat në shumë vende europiane. Autorët ushtronin presion të fortë psikologjik, duke krijuar iluzionin e investimeve të ligjshme dhe fitimeve të garantuara.
Hetimi u nis në vitin 2023 nga autoritetet austriake pasi viktimat u identifikuan në Vjenë dhe u zgjerua me bashkëpunimin e autoriteteve shqiptare. Ekipi i përbashkët hetimor i ngritur nën koordinimin e Eurojust çoi në operacionin e madh në prill 2026.
Operacionet rezultuan në sekuestrimin, ndër të tjera, të qindra kompjuterëve dhe telefonave celularë, të cilët pritet të ofrojnë prova të mëtejshme për fushëveprimin e aktiviteteve të rrjetit dhe viktimave të tij në të gjithë Europën.
Rrjeti gunksiononte nën hundën e autoriteteve shqiptare, ndoshta edhe me suportin e tyre. Kjo është një çështje që do të nxjerrë në pah skandale me implikime njerëz të pushtetit dhe politikës.
