Kisha Katolike “u zgjua” dhe lëshoi një deklaratë duke dënuar transvestitët e Macron-it që poshtëruan Jezu Krishtin.
Dënim nga Rusia Ortodokse si dhe përfaqësues të shumë feve të tjera.
IOC tërhoqi videon nga YouTube.com !
Kisha Katolike e Francës më në fund ka lëshuar një deklaratë duke dënuar talljen e krishtërimit në ceremoninë e hapjes së Lojërave Olimpike të presidentit Emmanuel Macron.
Në një deklaratë, konferenca e peshkopëve francezë tha: “Për fat të keq, kjo ceremoni përmbante skena që tallnin krishterimin, gjë që na shkaktoi trishtim të madh”.
Njoftimi mund të mos detajojë momentet që tronditën kishën, por reagimet nga qarqet fetare u përqendruan në një ripërtëritje të pikturës së Leonardo da Vinçit “Darka e Fundit”, ku apostujt portretizoheshin nga ‘drag queens’, ndërsa një modele transgjinore këndonte pothuajse lakuriq.
Madje, në të njëjtin njoftim, tentohet të sillet në pah ekumenizmi i krishterë duke thënë:
“Falënderojmë pjesëtarët e konfesioneve të tjera fetare që na shprehën solidaritetin e tyre. Sot në mëngjes, mendojmë për të gjithë të krishterët, në të gjitha kontinentet janë lënduar nga ekzagjerimi dhe provokimi i disa skenave”.
Rrethet konservatore në Francë iu bashkuan këtyre qëndrimeve. Senatorja Valerie Boyer foli për një ngjarje që “kishte për qëllim talljen e të krishterëve”.
Por reagime ka edhe brenda Komitetit Olimpik Ndërkombëtar, i cili e tërhoqi videon me transvestitë nga YouTube.com!
Në Rusi, Kisha Ortodokse dhe Ministria e Punëve të Jashtme mbajtën qëndrim për ceremoninë, menjëherë pas ceremonisë.
Të krishterët u revoltuan sepse Apostujt në Darkën e Fundit u shfaqën si transvesti.
“Ishte një vetëvrasje politiko-historike e kryeqytetit, dikur të krishterë, të qytetërimit europian”, tha Vakhtang Kizitse, kreu i marrëdhënieve me mediat për Patriarkanën e Moskës.
Edhe më e ashpër në deklaratat e saj ishte përfaqësuesja e MPJ-së, Maria Zakharova:
“Pashë foto të ceremonisë dhe mendova se ishte fotoshopuar. Nuk mund ta besoja se ishin të vërteta. Për një ngjarje qesharake, ata detyruan kaq shumë njerëz të ishin në shi”, tha ajo.
Në të njëjtën kohë, në llogarinë në Telegram, ajo ka publikuar foto duke komentuar se ngjarja ka degjeneruar në një paradë të krenarisë së homoseksualëve, personave trans, kryesiht satanikëve.
