Imazhet nga sateliti MODIS i NASA-s zbuluan një pjesë të këtij gjelbërimi.
Shirat e bollshëm bënë disa pjesë të shkretëtirës së Saharasë të gjelbërojnë. Një ciklon përshkoi Saharën veriperëndimore më 7 dhe 8 shtator dhe zhyti në ujë zona të mëdha pa pemë të Marokut, Algjerisë, Tunizisë dhe Libisë.
Në të njëjtën kohë, shirat goditën Nigerin, Çadin dhe Sudanin.
Si rezultat, këto pjesë të shkretëtirës së Saharës janë nga dy herë më të lagështa, deri në më shumë se gjashtë herë më të lagështa se zakonisht.
“Kur ndodhin ngjarje të tilla klimatike, vërtet të jashtëzakonshme reshjesh, dunat bëhen fusha tepër të harlisura dhe të lulëzuara, ku bimët rriten menjëherë për një periudhë të shkurtër kohe, për të përfituar nga kjo sasi uji”, thotë Peter de Menocal, president dhe drejtor i Institutit Oqeanografik Woods Hole, për ABC News.
Imazhet nga sateliti MODIS i NASA-s kanë zbuluar një pjesë të këtij gjelbërimi, ndërkohë që tregojnë gjithashtu se liqenet e tharë për një kohë të gjatë po mbushen, si ai në Parkun Kombëtar Iriqui të Marokut.
Nga 11,000 vite më parë, Sahara dukej shumë më tepër si savana e Kenias dhe Tanzanisë, sesa si shkretëtira më e madhe jopolare në botë që shohim sot.
Shirat këtë vit kanë rezultuar në disa përmbytje të tmerrshme, duke zhvendosur mijëra njerëz, duke shkatërruar shtëpi dhe duke kushtuar qindra jetë.
Edhe pse e pasur me diversitet speciesh, bukuri natyrore dhe trashëgimi kulturore, të jetosh në shkretëtirë shpesh do të thotë të jetosh në varfëri dhe thatësira, të cilat parashikohet të rriten me ashpërsi në vitet e ardhshme.
Për shkak se pjesa më e madhe e jetës dhe kulturës në shkretëtirë është përshtatur për të shfrytëzuar sa më shumë ngjarjet e reshjeve të çuditshme si kjo, uji do të ndihmojë në ruajtjen e jetesës së brishtë për muajt dhe madje edhe vitet në vazhdim.
