Nisma u bë e ditur nga zyra e kryeministres italiane.
Kryeministrja italiane Giorgia Meloni do të bënte sot (02/10) një telekonferencë të liderëve të Grupit të Shtatë vendeve më të zhvilluara industriale (G7) për të diskutuar krizën në Lindjen e Mesme.
Italia mban presidencën e rradhës të G7, e cila përfshin Shtetet e Bashkuara, Kanadanë, Britaninë, Francën, Gjermaninë, Italinë dhe Japoninë.
“Italia do të vazhdojë të bëjë përpjekje për një zgjidhje diplomatike, ndër të tjera, në cilësinë e saj si presidente e G7. Unë kam thirrur një takim në nivel liderësh për pasdite”, i tha Meloni kabinetit italian.
Pritet të bëhen me dije çfarë është diskutuar dhe ku kanë konkluduar shtetet e G7.
