Yannis Boutaris: Mosha, dashuria e tij për verën e mirë dhe partneri i tij i fundit.
Giannis vdiq në moshën 82 vjeçare duke zhytur Selanikun në zi, nesër, 11 nëntor 2024, funerali i tij civil.
Boutaris ishte kryebashkiak i Selanikut dhe sigurisht një personalitet intensiv, i cili me zgjedhjen e tij “theu” stereotipet e jetës politike të vendit, thonë disa, por janë kundër shumë të tjerë, ndërkohë që nuk ngurroi të fliste publikisht për demonët e tij.
Boutaris: Një emër që lidhet me verën e mirë.
Giannis Boutaris lindi më 13 qershor 1942 në Selanik. I diplomuar për Kimi në AUTH, Enolog i kualifikuar dhe vazhdues i traditës së pasur familjare në verëra, përmes kompanisë “G. Boutaris & Son”, e cila u themelua nga gjyshi i tij në vitin 1879.
Duke vazhduar traditën e gjatë familjare, Boutaris nuk pa vetëm interesat e biznesit të tij. Ai frymëzoi “rrugët e verës” duke kontribuar kështu në ngritjen e të gjithë industrisë greke të verës.
Ai u largua nga kompania “Boutari” në vitin 1996 dhe themeloi kompaninë “Kir-Yiannis”, me verëra dhe kantina me emër në vreshtat private, në Giannakochori Naoussa dhe Amyntaio, e cila aktualisht menaxhohet nga dy djemtë e tij.
Karriera e tij politike
Në vitin 2002 Boutaris u zgjodh këshilltar bashkiak me koalicionin e Agapios Sahinis. Në vitin 2006 kryeson fraksionin “Nisma për Selanikun”, i pavarur nga etiketat partiake, me të cilin përfundimisht u zgjodh kryetar i Bashkisë së Selanikut në vitin 2010, me një diferencë prej 329 votash.
Boutaris u zgjodh kryetar bashkie në zemër të krizës ekonomike dhe për nëntë vite i shërbeu Selanikut me respekt për paratë/fondet publike. Ai punoi me pasion për qytetit, për të mbështetur zhvillimin e tij turistik.
Në të njëjtën kohë, ai nuk hezitoi të mbajë një qëndrim të qartë për çështje që shkonin përtej kontekstit të qeverisjes vendore, si qëndrimi i Greqisë në euro në verën e vitit 2015, apo Marrëveshja e Prespës në vitin 2018.
Në vitin 2018 vendosi që të mos kandidojë më për kryetar bashkie dhe nga janari i kaluar ishte këshilltar bashkiak i Selanikut me fraksionin e Spyros Pegas.
Dashuria e tij e madhe dhe fëmijët e tij.
Ai ishte i martuar me Athena Michael, me të cilën kishte 3 fëmijë. Në një moment ata u ndanë, por më vonë vendosën të jetonin sërish bashkë, por pa u rimartuar.
Kur Athena Michael vdiq, Giannis Boutaris plotësoi dëshirën e saj që të mos varrosej fetarisht, por të digjej, gjë që u bë në Bullgari, pasi në Selanik nuk ka krematorium për të vdekurit.
“Kur më vdiq gruaja Athena, dashuria e madhe e jetës sime, me të cilën ishim bashkë që fëmijë, u njoha me vdekjen. Aty kuptova që nga momenti kur lindim numërimi mbrapsht dhe prishja tashmë ka filluar. Fatkeqësisht, nuk ka një vaksinë që do të na bëjë të jetojmë përgjithmonë”, kishte rrëfyer për GALA.
Pranimi i tij për varësinë e tij ndaj alkoolit dhe përfundimi.
Ai ka pranuar publikisht se gjatë viteve 1980 ka vuajtur nga alkoolizmi i rëndë, ndërsa ka thënë se nuk ka pirë alkool që nga viti 1991.
“Mekanizmi i varësisë është i përbashkët për të gjitha substancat. I droguari dëshiron të ikë nga realiteti, ai provon gjithçka dhe çfarëdo që i përshtatet, nuk ka rëndësi lloji” e përshkroi veten në një pasazh nga libri i tij “Gjashtëdhjetë vjet korrje”.
Giannis Boutaris: Partneri i tij i fundit
Ai ishte në një lidhje prej 13 vitesh me austriaken Gabriela Scheiner, me të cilën u divorcua në vitin 2015. Në qershor të 2018-ës në moshën 76-vjeçare ai nënshkroi një marrëveshje bashkëjetese me partneren e tij të atëhershme Maria, e cila u shpërbë në tetor 2020.
Mik i kryeministrit shqiptar Edi Rama, por me asnjë bashkëpunim të mirëfilltë me ndonjë Bashki në Shqipëri, edhe pse me disa kishte nënshkruar Marrëveshje Binjakëzimi.
I majtë? Kurrsesi?
I djathtë? Padyshim, jo!
Patriot? Aspak!
Politikisht dhe sociologjikisht, amorf!
