“Një çështje dhe dy standarde” nga qeveria greke.
Qeveria e vendosi Greqinë jashtë ligjit ndërkombëtar duke refuzuar të ekzekutojë, qoftë edhe teorikisht, urdhër-arrestin e lëshuar nga Gjykata Penale Ndërkombëtare për Beniamin Netaniahun. Sigurisht që Greqia ishte dhe është një aleat strategjik i Izraelit, si shumica e vendeve të Bashkimit Europian.
Konkretisht, përfaqësuesi i qeverisë Pavlos Marinakis tha:
“Nuk mendojmë se vendime të tilla ndihmojnë. Politika jonë është e qartë, pozicioni ynë është i qartë: Ka nevojë urgjente për një armëpushim”, tha ai.
“Nuk i kemi fshehur aleancat tona” dhe shtoi se “nuk mund të barazojmë një shtet që u sulmua nga Hamasi terrorist me raste të tjera të shteteve që provokuan sulme”, duke nënkuptuar Rusinë dhe operacionin e saj ushtarak në Ukrainë.
Me pak fjalë, ajo që tha qeveria greke është se njëherë njeh, herën tjetër nuk njeh juridiksionin e GJNP-së, në vartësi se kush është personi që ka vënë në “shënjestër”.
Domethënë Mitsotakis praktikon një politikë “një çështje dhe dy standarte” dhe më pas flet për të drejtën ndërkombëtare.
Qeveria greke tha se nuk mund të barazohet një vend të cilit i është bërë një sulm terrorist, vërtet të tmerrshëm dhe të paprovokuar, përkatësisht Izraelit, me një vend që, siç thotë qeveria greke në deklaratën e saj, “sulmoi një vend tjetër”, domethënë Rusia.
Izraeli kishte të drejtë të mbrohej, por prej andej deri në vrasjen e 50,000 njerëzve me një të tretën fëmijë, ka një rrugë të gjatë për të bërë analiza qëndrimesh.
Sa i përket vetë Rusisë dhe sulmit ndaj Ukrainës, qeveria greke nuk ka shpjeguar saktësisht se çfarë duhet të kishte bërë Moska për të mbrojtur popullsinë rusishtfolëse që po masakrohej dhe persekutohej nga regjimi i Kievit.
Me këtë lëvizje qeveria greke nuk do të mund të bëjë asnjë ankesë për turqit dhe krimet që ata kanë bërë në Qipro.
Duhet theksuar se urdhër-arresti ndaj Netaniahut u pranua nga të gjitha vendet perëndimore, madje edhe nga Britania, e cila është “kumbara” e shtetit izraelit.
Pra, grekët nuk duken si një shtet i konstituuar, por një lloj “bananie” perëndimore, ku zgjedhjet bëhen me filozofinë “ajo që na përshtatet”.
