Nëpërmjet valës së refugjatëve në BE, terroristët islamikë mund të depërtojnë gjithashtu.
Pasojat për Europën pas përmbysjes së Bashar al-Asaad në Siri mund të jenë vetëm të pakëndshme, sipas deklaratave të Jordan Bardella, president i partisë RN të Marine Le Pen (RN), i cili shprehu frikën e tij për “rrezikun e një vale të re migracioni”.
“Sot shohim këto milici, trashëgimtarë të Shtetit Islamik dhe të Al-Kaedës, që po marrin pushtetin në Siri”, tha Bardela për kanalin France 3, duke shtuar se “në pak muaj është e mundur që të paguajmë pasojat e këtij konfiskimi pushteti nga fundamentalistët islamikë, me flukse të konsiderueshme imigrimi”.
Ai u bëri thirrje gjithashtu 27 vendeve të Bashkimit Europian që të “konsiderojnë rrezikun” e një krize të re migratore, pasi “terroristët islamikë” mund të depërtojnë në valën e refugjatëve.
Il est possible que nous payions les conséquences de la prise de pouvoir des islamistes en Syrie, avec des flux migratoires importants. J'appelle l'Europe à anticiper dès maintenant le risque d'un déferlement migratoire où pourraient se glisser des terroristes islamistes. #DimPol pic.twitter.com/GbLbLQoTum
— Jordan Bardella (@J_Bardella) December 8, 2024
Këtij argument iu bë jehonë e veçantë nga aleati i tij Eric Ciotti i UDR (Unioni i të Drejtës për Demokraci), i cili, në një postim në Platformën X, parashikoi se do të kishte “kaos me pasoja të pallogaritshme” për Europën, duke siguruar se “mes rebelëve të supozuar, janë islamistët më të këqij”.
Nga ana e tij, Eric Zemur, konsideron se “ky destabilitet i ri rrezikon të lejojë krijimin e një kalifati të ri islamik në rajon”, me efekt të drejtpërdrejtë të zhdukjes së popullatës të krishterë, e cila është bërë “peng i një regjimi që vret në emër të Allahut”.
