Tragjedia ndodhi më 23 mars 1994.
Detaje tronditëse të rrëzimit të avionit të vitit 1994 në vargmalin malor Kuznetsk Alatau janë shfaqur ndërsa regjistrimet e kutisë së zezë zbuluan sesi piloti lejonte fëmijët e tij të “luanin” me kontrollet e avionit.
Tragjedia ndodhi më 23 mars 1994 kur një fluturim i linjës ajrore ruse me 63 pasagjerë, 9 stjuardesa dhe 3 pilotë u rrëzua.
Konkretisht, avioni po udhëtonte nga Aeroporti Ndërkombëtar Sheremetjevo në Moskë, Rusi, për në Aeroportin Kai Tak në Hong Kong, Kinë, kur bashkëpiloti Jaroslav Vladimiroviç Kudrinski lejoi fëmijët e tij të hynin në kabinë.
Dy fëmijët adoleshentë të Jaroslav, 12-vjeçari Jana dhe 16-vjeçari Eldar, hynë në kabinë për të vizituar babanë e tyre, i cili më pas vendosi t’i linte të “luanin” me kontrollet e avionit ndërsa avioni ishte në autopilot.
Pavarësisht se autopiloti ishte ndezur, që do të thoshte se avioni nuk mund të kontrollohej nga fëmijët, kur erdhi koha që djali i tij të luante, ai çaktivizoi aksidentalisht autopilotin për rreth 30 sekonda pasi shtpi shumë komanda.
Gjatë kësaj kohe, adoleshenti përfundoi nën kontrollin e lëvizjeve të avionit, gjë që do të çonte në një tragjedi shkatërruese, e cila u regjistrua e gjitha në kutinë e zezë.
Regjistrimi i kutisë së zezë
Jana dëgjohet duke folur me babain e saj, përpara se ai t’i thotë: “Mos ik atje, do të na pushojnë nga puna”. Aeroplani më pas filloi të kthehej djathtas dhe të dilte nga rruga e fluturimit, me adoleshentin Eldar që kuptoi se diçka nuk ishte në rregull.
Brenda pak sekondash, të tre pilotët në bordin e avionit e kuptuan se çfarë po ndodhte, por deri atëherë avioni ishte kthyer tashmë pothuajse 90 gradë, një lëvizje që ky aeroplan i veçantë nuk mund ta menaxhojë.
Avioni filloi të humbiste me shpejtësi lartësinë, përpara se të ndalonte papritur dhe “të zhytej” poshtë. Përfundimisht, pilotët ishin në gjendje të rifitonin kontrollin, por ata e vlerësuan gabim fuqinë, duke bërë që avioni të ndalonte përsëri.
“Kthehu prapa! Kthehu, Eldar!” Jaroslav dëgjohet duke bërtitur ndërsa pilotët humbasin kontrollin. “E shihni rrezikun, apo jo?”
Ndërsa të tre pilotët përpiqen me dëshpërim të korrigjojnë gabimin dhe ta kthenin avionin në kurs, Jaroslav dëgjohet duke u thënë fëmijëve të tij: “Dil jashtë tani! Gjithçka është normale”.
Kjo është kur regjistrimi ndalon papritur.
Ai kishte humbur shumë lartësi.
Pilotët arritën të rimarrin avionin, por deri atëherë avioni kishte humbur shumë lartësi dhe u rrëzua në vargmalin Kuznetsk Alatau, duke vrarë të gjithë në bord.
Pas rrëzimit, hetimet zbuluan se nuk kishte shenja të dështimit teknik dhe se përplasja ka shumë të ngjarë të ishte shkaktuar nga fakti që fëmijët u lejuan të merrnin kontrollin e fluturimit.
Ndoshta më tragjikja, nëse tre pilotët do t’ia kishin lënë rikuperimin autopilotit, në vend që të përpiqeshin ta rregullonin vetë problemin, problemi do të ishte zgjidhur vetë dhe të gjithë pasagjerët do të kishin mbijetuar.
