I gjithë shpati u fundos në det.
Pjesë të mëdha shkëmbi u shkëputën nga Plazhi i Kuq i Santorinit, pas një rrëshqitje masive shkëmbinjsh dhe dheu, pas tërmetit me magnitudë 5 ballë në Amorgos, pasditen e së martës.
Shkëmbinjtë që ranë në vend bllokuan shtegun që të çon në plazh dhe madje shkatërruan disa parmakë që ndodheshin në shteg.
Plazhi i Santorinit tashmë është i mbyllur dhe aksesi mund të bëhet vetëm nga deti, ndërsa po shprehet frika për rrëshqitje të tokës në zonat e banuara nëse “vallja” e çmendur e tronditjeve tektonike të shkallës Rihter vazhdojnë.
Vihet re se videoklipi i njohur i këngëtares Alkistis Protopsaltit “Lava” është filmuar në Plazhin e Kuq, një nga plazhet më të fotografuara në planet.
Ky plazh që shihni nuk ekziston më…!
Plazhi i Kuq është një nga plazhet më të famshëm të Santorinit. Ndodhet në bregun jugperëndimor të ishullit, 12 kilometra nga Thira dhe 23 kilometra nga Oia.
Emrin e ka marrë nga ngjyra e kuqe unike e shkëmbinjve që e rrethojnë, por këtë mjedis të rrallë e plotësojnë guralecat e zinj nga të cilët përbëhet.
