Nuk ka pasur të lënduar.
Një incident tjetër që përfshin përplasje avionësh ka ndodhur në SHBA, kur një avion i Japan Airlines i “preu” bishtin një avioni të Delta Airlines në aeroportin e Seattle, sot, gjatë stacionimit.
Raportet fillestare tregojnë se avioni i linjës ajrore japoneze ka goditur bishtin e një avioni të parkuar Delta. Të dy avionët ishin plot me pasagjerë të cilët shikonin të tmerruar se çfarë po ndodhte.
Nuk u raportuan lëndime në mesin e pasagjerëve dhe ekuipazhit dhe pati ndikim minimal në funksionimin e aeroportit.
JUST IN: Japan Airlines plane hits Delta Air Lines jet while taxiing at Seattle Airport pic.twitter.com/ZfuMcysCkz
— BNO News (@BNONews) February 5, 2025
BREAKING: Japan Airlines plane collides with parked Delta Air Lines aircraft at Seattle Airport pic.twitter.com/lv1Ss2X7Rg
— Insider Paper (@TheInsiderPaper) February 5, 2025
Në bordin e fluturimit Delta nga Seattle në Puerto Vallarta, Meksikë, gjendeshin 142 persona.
“Bishti i një avioni Delta 737 raportohet se ra në kontakt me majën e krahut të avionit të një linje tjetër ajrore”, tha një zëdhënës i Delta për Daily Mail.
Aeroporti i Seattle konfirmoi përplasjen, duke thënë se të dy linjat ajrore po punonin për evakuimin e sigurt të pasagjerëve dhe ekuipazhit.
Përplasja vjen pasi SHBA-ja është tronditur nga dy tragjedi të aviacionit brenda pak orëve nga njëri-tjetri javën e kaluar.
Një aeroplan i American Airlines u përplas me një helikopter ushtarak amerikan Black Hawk më 29 janar, duke vrarë 67 personat në bordin e të dy avionëve.
Dy ditë më vonë, një aeroplan transporti pacientësh që mbante një fëmijë, nënën e tij dhe katër persona të tjerë, u rrëzua në një lagje të Filadelfisë menjëherë pas ngritjes.
Të gjashtë personat në bord dhe një person i shtatë në tokë, vdiqën nga përplasja.
