Kryeministrja italiane “goditi” Brukselin: “Trump ka të drejtë, Europa duhet të ndryshojë kurs”!
Kryeministrja italiane Giorgia Meloni duket se është krejtësisht e ndryshme nga axhenda gjermano-franceze dhe obsesionet e Brukselit, në lidhje me Ukrainën, siç zbulohet nga gazeta italiane “Corriere della Sera”.
Në kontrast me linjën e BE-së që kërkon përfshirje të vazhdueshme ushtarake, Roma favorizon një strategji më realiste dhe të balancuar që merr parasysh dinamikën e re në Uashington dhe presionin në rritje nga presidenti amerikan Donald Trump për të ndryshuar kursin.
Meloni ishte sot në Paris për Samitin e thirrur nga Emmanuel Macron, por axhenda e saj është larg klimës së elitave europiane.
Udhëheqësja italiane shprehu rezerva serioze për përbërjen e takimit, i cili përfshinte vetëm shtete të zgjedhura, duke përjashtuar aleatët e rëndësishëm, duke i dhënë kështu Trump-it arsye të mëtejshme për të refuzuar Komisionin Europian si një bashkëbisedues të vlefshëm.
“Ne kemi nevojë për një samit europian dhe jo një shfaqje tjetër fragmentarizimi”, vëren Meloni.
Prishje strategjike me Macron-in dhe Brukselin.
Zgjedhja e Macron për të ftuar vetëm shtete specifike, duke lënë jashtë shtetet e tjera anëtare të BE-së, shihet nga Roma si një gabim tjetër nga elitat europiane.
Italia, sipas burimeve qeveritare, ka marrë mesazhe nga vendet që u përjashtuan nga takimi dhe që kërkojnë një strategji europiane më të pavarur, të lirë nga diktatet gjermano-franceze.
Qeveria italiane shpreh hapur besimin se politika e dështuar e Europës për çështjen e Ukrainës favorizon Presidentin Trump, i cili tashmë po dërgon mesazhin se Uashingtoni nuk do të vazhdojë të paguajë për dështimet e Brukselit.
Mbështetje për retorikën e J.D. Vance.
Në të njëjtën kohë, Meloni duket se ndan shumë nga qëndrimet e shprehura nga nënpresidenti amerikan J.D. Vance në fjalimin e tij historik në Mynih.
Pavarësisht toneve të larta, mesazhi ishte i qartë: Bashkimi Europian po lëkundet nën udhëheqjen e Gjermanisë dhe Francës, duke dështuar të sigurojë një strategji të qëndrueshme për Ukrainën.
Sipas “Corriere della Sera”, Meloni pajtohet se BE-ja është bërë një mekanizëm për manipulimin e autoriteteve demokratike për të mirën e strukturës sistematike dhe burokracisë së Brukselit.
Zgjidhje realiste për Ukrainën
Italia kërkon të parandalojë një tërheqje të plotë të SHBA-ve nga Ukraina, megjithatë, ajo e konsideron të nevojshëm një ndryshim rrënjësor në qasje. Roma propozon krijimin e një force paqeruajtëse ndërkombëtare, me pjesëmarrjen e shteteve jashtë Europës, përfshirë Kinën, si një mekanizëm alternativ parandalues.
Qëndrimi i ashpër i kryeministres italiane kundër iluzioneve të Brukselit dëshmon se Europa nuk mund të vazhdojë të funksionojë si vasale e planeve gjermano-franceze.
Roma duket e vendosur të ndjekë një rrugë më të pavarur, më shumë në përputhje me qëndrimet realiste të administratës së re amerikane.
Pyetja kardinale është nëse pjesa tjetër e Europës do të zgjohet në kohë, apo do të vazhdojë të zhytet në strategjitë e saj obsesive.
