Kaos në vendin Himalajan.
Kaos absolut mbretëron në Nepal, me Gjeneratën Z (ata të lindur midis viteve 1990-2010) që po dalin në rrugë dhe po kërkojnë një jetë më të mirë, ndërsa korrupsioni dhe kriza ekonomike kanë arritur kulmin.
Policia, duke vendosur një shtetrrethim që në fillim, shpërndau një tubim që ishte organizuar nëpërmjet internetit, me 19 qytetarë të vrarë, gjë që i hodhi më shumë benzinë zjarrit.
Sipas një raporti të Al Jazeera, protestuesit dogjën parlamentin dhe shtëpitë e ministrave dhe zyrtarëve të tjerë, duke kërkuar një jetë më të mirë. “Qindra njerëz hynë me forcë në ambientet e parlamentit dhe i vunë flakën ndërtesës kryesore”, tha Ekram Giri, një zëdhënës i Sekretariatit të Parlamentit.
🇳🇵 Armed "Gen Z Protesters" storming the Presidential Palace in Nepal. https://t.co/CLYagC991G pic.twitter.com/TTW05eCGJi
— DD Geopolitics (@DD_Geopolitics) September 9, 2025
Qeveria javën e kaluar vendosi ndalim të mediave sociale, duke bllokuar aksesin në platformat e mediave sociale, përfshirë Facebook-un, pasi tha se, ato nuk ishin të regjistruara në qeveri.
“E kemi hequr ndalimin e mediave sociale. Ato tani janë funksionale”, tha për Reuters zëdhënësi i kabinetit dhe Ministri i Komunikimit dhe Teknologjisë së Informacionit, Prithvi Subha Guru.
Kryeministri K.P. Sharma Oli gjithashtu dha dorëheqjen, në dukje për të qetësuar situatën, por iku nga vendi me një helikopter qeveritar. Zyrtarët qeveritarë thanë se “vrasësi, siç e quani ju, nuk është më me ne. Mund të ktheheni në shtëpitë tuaja”.
Megjithatë, njerëzit mbeten në rrugë dhe po përleshen me oficerët e policisë, duke u vjedhur atyre pajisje dhe armë, duke i përdorur ato për të sprapsur forcat policore që mbrojnë ndërtesat qeveritare.
Nepal başbakanının istifa ettikten sonra helikopterle ülkeden kaçtığı anlara ait görüntüler
— Daktilock (@daktilock) September 9, 2025
pic.twitter.com/e2VjBNuydM
