Autoriteti Europian i Sigurisë Ushqimore (EFSA) njoftoi se vaji i nxjerrë nga larvat e krimbit të verdhë të miellit është i sigurtë për shëndetin dhe madje përmban shumë vitamina!
Ky ushqim i ri vjen nga larva të kultivuara dhe përbëhet kryesisht nga yndyra prej rreth 99%.
Vaji merret përmes ndarjes mekanike dhe më pas ekspozohet ndaj rrezatimit UVB në mënyrë që të rritet përmbajtja e vitaminës D3.
Sipas EFSA-s, trajtimi me rrezatim ultraviolet rrit ndjeshëm nivelet e vitaminës D3.
Paneli i NDA-së (Ushqime të Reja Ushqyese dhe Alergjenë Ushqimorë) i EFSA-s vlerësoi të dhënat dhe zbuloi se ushqimi i ri në nivelet e propozuara të përdorimit kontribuon ndjeshëm në marrjen e vitaminës D nga ushqimi.
Vaji mund të zëvendësojë deri në gjysmën e sasisë të vajit që marrin fëmijët më të rritur, adoleshentët dhe të rriturit.
Është e rëndësishme të theksohet se marrja e kombinuar e vitaminës D nga ushqimi dhe vaji i ri mbetet nën nivelin e tolerueshëm të marrjes (UL) për të gjitha grupmoshat.
Të dhënat analitike treguan se nivelet e ndotësve në vaj ishin nën kufijtë e përcaktuar nga rregullat për ushqimet dhe vlerësimet treguan se konsumi i ushqimit të ri nuk rrit ekspozimin e përgjithshëm dietik ndaj substancave të padëshirueshme.
EFSA nuk identifikoi shqetësime toksikologjike pasi studimet toksikologjike, duke përfshirë testet e reja të gjenotoksicitetit in vitro, që ishin negative.
Studimet në kafshë treguan gjithashtu se vitamina D3 nga ushqimi i ri është biodisponibël.
Megjithatë, Komisioni vuri në dukje se reaksione alergjike mund të ndodhin gjatë konsumimit të vajit, ose për shkak të sensivitetit primar apo aktivitetit të kryqëzuar me alergjenë të tjerë.
Vaji i krimbit të verdhë të miellit është menduar të përdoret si përbërës në një gamë produktesh ushqimore, duke përfshirë produktet e furrës, salcat, ëmbëlsirat e qumështit dhe yndyrnat.
Popullata e synuar për konsum të ushqimit të ri janë të gjithë popujt e Europës. Si përfundim, EFSA arriti në përfundimin se vaji është i sigurtë për përdorim, me nivelet e përcaktuara të përdorimit.
